अभिषेक शर्मा-अभिषेक बच्चनच्या नावात शोएब अख्तरचा गोंधळ; अभिनेता स्पष्टच म्हणाला- "तुझा आदर करतो, पण..."

भारत आणि पाकिस्तान यांच्यातील आशिया चषक २०२५ (Asia Cup 2025) फायनल सामन्यापूर्वी शोएब अख्तरला बॉलिवूड अभिनेता अभिषेक बच्चनने चांगलाच टोला लगावला. याशिवाय पाकिस्तानी क्रिकेट संघाची चांगलीच शाळा घेतली. पाकिस्तानचा वेगवान गोलंदाज शोएब अख्तरने एका लाईव्ह टीव्ही शोमध्ये भारतीय सलामीवीर अभिषेक शर्माच्या नावाऐवजी चुकून अभिषेक बच्चनचं नाव घेतल्यामुळे ही घटना घडली. जाणून घ्याशोएब अख्तरकडून झाली चूक'गेम ऑन है' (Game On Hai) नावाच्या एका क्रिकेट टॉक शोमध्ये शोएब अख्तर पाकिस्तानच्या फायनलमधील संधींवर विश्लेषण करत होता. त्यावेळी अभिषेक शर्माचा उल्लेख करताना, चुकून त्याने बॉलिवूड अभिनेता अभिषेक बच्चनचं नाव घेतलं. अख्तर म्हणाला, "जर अशी परिस्थिती निर्माण झाली आणि पाकिस्तानने अभिषेक बच्चनला लवकर आऊट केलं, तर त्यांच्या मधल्या फळीचं काय होईल? त्यांचे मधले बॅट्समन चांगले खेळलेले नाहीत." अख्तरने हे म्हणताच शोमधील इतर सदस्य हसू लागले आणि त्यांनी लगेच त्याला चूक सुधारण्यास सांगितली, की तो अभिषेक शर्माबद्दल बोलत आहे. ही व्हिडिओ क्लिप सोशल मीडियावर लगेच व्हायरल झाली.अभिषेक बच्चनचा खास रिप्लायही व्हायरल व्हिडिओ क्लिप अभिषेक बच्चनने पाहिली. अभिषेकने आपल्या खास विनोदी शैलीत यावर प्रतिक्रिया दिली की, "सर, मी तुमचा आदर करतो... पण मला नाही वाटत की त्यांना तेही जमेल! आणि मी तर क्रिकेट खेळण्यात अजिबात चांगला नाहीये." अभिषेक बच्चनच्या या मिश्किल उत्तरामुळे नेटकऱ्यांना हसू आवरलं नाही आणि त्यांनी अभिनेत्याचं कौतुक केलं. अशाप्रकारे शोएब अख्तरची क्लीप आणि त्यावर अभिषेक बच्चनने दिलेला रिप्लाय, चांगलाच व्हायरल झाला आहे.अभिषेक शर्माचे उत्कृष्ट प्रदर्शनयेत्या रविवारी (२८ सप्टेंबर) दुबईमध्ये भारत आणि पाकिस्तान या कट्टर प्रतिस्पर्धकांमध्ये आशिया चषकाचा फायनल सामना होणार आहे. या सामन्यासाठी शोएब अख्तरने भारतीय सलामीवीर अभिषेक शर्माला लवकर बाद करणे, हीच पाकिस्तानची सर्वात मोठी रणनीती असेल, असं म्हटलं आहे. आशिया चषकात अभिषेक शर्माने जबरदस्त फॉर्म दाखवला आहे, त्याने सलग दोन अर्धशतके झळकावली आहेत आणि तो स्पर्धेतील सर्वाधिक धावा करणारा फलंदाज ठरला आहे.

प्रिया-उमेशच्या 'बिन लग्नाची गोष्ट'

बिग बॉस १९

दिलीप प्रभावळकरांचा 'दशावतार'

'बॅड्स ऑफ बॉलिवूड' वेबसीरिज

फिल्मी : आभाची भूमिका ‘टफ’

फिल्मी : थँक्सलेस जॉब मला पसंत नाही

फिल्मी : निशिकांत होणार ‘खलनायक’

फिल्मी : 'फितूर' सिनेमाच्या प्रमोशनचा व्हिडिओ व्हायरल

फिल्मी : सलमान-कॅटरिना एकत्र

फिल्मी : अमिताभ बच्चन यांना लाईफटाईम अचिव्हमेंट अ‍ॅवार्ड

फिल्मी : अक्षय-राजू हिराणी ‘हेल्थ डे’ व्हिडीओ

फिल्मी : अद्याप एकही चित्रपट नाही

फिल्मी : दीपिका ‘ट्रिपल एक्स’ साठी कॅनडाला

फिल्मी : ह्रतिकसोबत रोमान्स करणार सनी लिओन !