'या' सुपरस्टारला सेटवर जया बच्चन यांनी काठीनं झोडपलं होतं, अभिनेता म्हणाला "मला खूपच जोरात लागलं"

बॉलिवूडमधील दिग्गज अभिनेत्री जया बच्चन (Jaya Bachchan) या नेहमी त्यांच्या रागीट स्वभावामुळे ओळखल्या जातात. अनेकदा फोटो काढण्यावरून त्या चाहते आणि पापाराझींवर चिडलेल्या पाहायला मिळतात. त्यांचे हे व्हिडीओ व्हायरल झाल्याने त्यांना नेटकऱ्यांनी अनेकदा ट्रोलही केलं आहे. अशातच एका सुपरस्टानं खुलासा केली की जया बच्चन यांनी त्याला एका चित्रपटाच्या शूटिंगदरम्यान छडीनं झोडपलं होतं.तो अभिनेता आहे भोजपुरी सुपरस्टार निरहुआ (दिनेश लाल यादव). निरहुआनं २०१२ साली प्रदर्शित झालेल्या 'गंगा देवी' या चित्रपटात बॉलिवूडचे दिग्गज कलाकार अमिताभ बच्चन आणि जया बच्चन यांच्यासोबत काम केलं होतं. नुकतंच एका मुलाखतीत निरहुआ याने अमिताभ आणि जया यांच्यासोबत काम करण्याचा अनुभव सांगितला. चित्रपटात अमिताभ बच्चन यांच्यासोबत काम करण्याची संधी मिळाल्यावर निरहुआ सुरुवातीला खूप घाबरला होता. निरहुआ म्हणाला, "अमिताभ बच्चन खूप चांगले माणूस आहेत. त्यांनी माझी अवस्था ओळखली आणि मला सहज वाटावे यासाठी त्यांनी काही विनोद सांगितले, तसेच माझ्या गाण्यांबद्दल बोलून वातावरण हलके केले". निरहुआनं जया बच्चन यांच्यासोबतच्या एका सीन शुटिंगचा अनुभवही सांगितला. तो म्हणाला, "एक सीन होता जिथे मला माझ्या ऑन-स्क्रीन पत्नीला कानशिलात मारायची होती आणि माझ्या आईची भूमिका साकारणाऱ्या जयाजींनी मला ओरडून काठीने मारायचं होतं. पण अभिनय करण्याऐवजी त्यांनी मला खरंच मारलं. यावर मी जया बच्चन यांना ओरडून सांगितलं की, तुम्ही मला खरंच मारताय... तर त्या म्हणाल्या की, मग तू माझ्या सुनबाईला का मारलंस? मी म्हणालो की, अहो ते फक्त शुटिंगसाठी अभिनय होता. पण तुम्ही तर खरंच मला मारलं".निरहुआनं पुढे सांगितलं, "कदाचित ते अनावधानाने झाले असेल, पण मला खूप दुखलं होतं. तरीसुद्धा मी त्याला प्रसाद मानले. कारण किती लोकांना जया बच्चन आणि अमिताभ बच्चन या दोघांसोबत काम करण्याची संधी मिळते?".

प्रिया-उमेशच्या 'बिन लग्नाची गोष्ट'

बिग बॉस १९

दिलीप प्रभावळकरांचा 'दशावतार'

'बॅड्स ऑफ बॉलिवूड' वेबसीरिज

फिल्मी : विवाहित जोडप्यांचे पुरागमन सुखद का नाही?

फिल्मी : बॉबी डार्लिंग करणार रमणिक शर्माशी विवाह

फिल्मी : भूखंड देता का भूखंड...?

फिल्मी : अभिनेता सलमान खान याचा आगामी चित्रपट 'सुल्तान'...

फिल्मी : इम्तियाज अली पुस्तक लेखनात व्यस्त

फिल्मी : 'फॅन' चे पोस्टर आऊट

फिल्मी : 29 वर्षीय शेन जॉन्सनचा मृत्यू

फिल्मी : चित्रपटांनी दाखवले दहशतवाद्यांचे कौर्य

फिल्मी : विद्याला आली १३ कोटींची ऑफर

फिल्मी : डिप्पीला मिळाला होता वाईट सल्ला