आॅस्करसाठी निवडला जाणारा ‘न्यूटन’ ठरला ३०वा चित्रपट, यातील तीनच चित्रपटांना मिळाले नॉमिनेशन!
By ऑनलाइन लोकमत | Updated: September 22, 2017 21:22 IST
भारतीय सिनेप्रेमींना आॅस्करने नेहमीच हुलकावणी दिली आहे. कारण आतापर्यंत एकाही भारतीय चित्रपटाने फॉरेन कॅटेगिरीत अवॉर्ड जिंकला नाही. ही बाब ...
आॅस्करसाठी निवडला जाणारा ‘न्यूटन’ ठरला ३०वा चित्रपट, यातील तीनच चित्रपटांना मिळाले नॉमिनेशन!
भारतीय सिनेप्रेमींना आॅस्करने नेहमीच हुलकावणी दिली आहे. कारण आतापर्यंत एकाही भारतीय चित्रपटाने फॉरेन कॅटेगिरीत अवॉर्ड जिंकला नाही. ही बाब वेगळी आहे की, प्रत्येकवेळी भारतीय चित्रपटाची भारताकडून आॅस्करसाठी निवड होते; मात्र अखेरीस निराशाच हाती लागते. यावर्षी मराठमोळा तरु ण प्रयोगशील दिग्दर्शक अमित मसूरकर यांचा ‘न्यूटन’ हा चित्रपट भारताकडून आॅस्कर पुरस्कारासाठी निवडण्यात आला आहे. ‘न्यूटन’ हा ३०वा भारतीय चित्रपट ठरला जो आॅस्करसाठी पाठविला जाणार आहे. या ३० चित्रपटापैकी फक्त तीनच असे चित्रपट आहेत, जे पुढे जाऊ शकले. इतर नॉमिनेशननंतरच पुरस्काराच्या रेसमधून बाहेर पडले. भारताकडून १९५७ मध्ये सर्वांत अगोदर ‘मदर इंडिया’ या चित्रपटाला अधिकृतरीत्या अकॅडमी अवॉर्ड्सकरिता पाठविण्यात आले होते. हा चित्रपट महबूब खान यांनी बनविला होता. या चित्रपटाला नॉमिनेशनदेखील मिळाले होते. मात्र चित्रपट आॅस्करच्या रेसमधून बाहेर पडला. या चित्रपटानंतर तब्बल १५ चित्रपट आॅस्करसाठी पाठविण्यात आले. मात्र त्यातील एकही चित्रपट आॅस्करच्या मुख्य रेसपर्यंत पोहोचू शकला नाही.