अभिनेत्री नीना गुप्ता यांची कुठलीही नवी ओळख करून द्यायची गरज नाही. बॉलिवूड आणि टेलिव्हिजन विश्वात आपल्या दमदार अभिनयाने सर्वांची मनं जिंकणा-या ज्येष्ठ अभिनेत्री नीना गुप्ता सोशल मीडियावर मोठ्या प्रमाणावर सक्रीय असतात. नीना गुप्ता यांनी वयाची साठी ओलांडलीय. पण या वयातही त्यांच्यातील उत्साह तरूणांना लाजवणारा आहे. त्यांचा ताजा व्हिडीओ पाहिल्यानंतर तुम्हालाही ते पटेल. नीना गुप्ता सर्रास स्वत:चे बोल्ड फोटो शेअर करत असतात. पण आता त्यांनी स्वत:चा एक डान्स व्हिडीओ शेअर केला आहे. या व्हिडीओत त्या पंजाबी सिंगर जस्सी गिलसोबत एका पंजाबी गाण्यावर डान्स करताना दिसत आहेत. या व्हिडीओतील नीना यांचा डान्स तुम्हाला खल्लास केल्याशिवाय राहणार नाही. सध्या हा व्हिडीओ वेगाने व्हायरल होतोय.
‘माझ्या बोल्ड फॅशनमुळे मला यंग अ‍ॅक्ट्रेसचे रोल तर मिळाले नाहीत. पण परमेश्वराने मला इतके सुंदर शरीर दिले, याचा मला आनंद आहे. मी फॅशनबद्दल प्रचंड कॉन्शिअर राहते. माझ्या हॉट फोटोंवर प्रचंड कमेंट्स येतात. साध्या कपड्यातला फोटो शेअर केला की, त्यावर तितक्या कमेंट पडत नाहीत. पण हॉट फोटो शेअर करताच कमेंट्सचा पूर येतो. मी हे सगळे खूप एन्जॉय करते. मला फार कमी निगेटीव्ह कमेंट्स मिळतात,’ असे त्या म्हणाल्या होत्या. नीना गुप्ता काळासोबत अधिकाधिक फॅशनेबल होत आहेत. साडी ते वनपीस असे वेगवेगळे फोटो त्या सोशल मीडियावर शेअर करत असतात. नीना गुप्तांच्या फॅशन आणि स्टाईलमागे त्यांची मुलगी मसाबा हेही एक कारण आहे. मसाबा बॉलिवूडची एक लोकप्रिय फॅशन डिझाईनर आहे. तीच नीना यांच्यासाठी कपडे डिझाईन करते.