काल मी कित्येक तास माझ्या मृत्यूच्या खोट्या बातमीचे सत्य सांगण्यासाठी धडपड करत होतो. मात्र एक भयंकर सत्य माझ्या डोक्यावर रेंगाळत आहे, याचा मला अंदाजही नव्हता..., हे शब्द आहेत ‘शक्तिमान’ मुकेश खन्ना (Mukesh Khanna) यांचे. एकुलत्या एका बहिणीच्या निधनामुळे मुकेश खन्ना यांना मोठा धक्का बसला आहे. कोरोनामुळे मुकेश खन्ना यांनी एकुलती एक बहिण गमावली. बहिणी कमल कपूरला शेवटपर्यंत आयसीयू बेड मिळाला नाही आणि अखेर तिची प्राणज्योत मालवली. (Mukesh Khanna Sister's Death)खुद्द मुकेश खन्ना यांनी सोशल मीडियाद्वारे याची माहिती दिली आहे.
मुकेश खन्ना यांनी आपल्या इन्स्टाग्राम अकाऊंटवर आपल्या बहिणीसोबत फोटो शेअर केला आहे. सोबत अत्यंत भावुक पोस्ट सुद्धा लिहिली आहे. ‘काल मी कित्येक तास माझ्या मृत्यूचे सत्य सांगण्यासाठी धडपड करत होतो. मात्र मला अजिबात अंदाजा नव्हता की एक भयंकर सत्य माझ्या डोक्यावर रेंगाळत आहे. आज माझ्या एकुलत्या एक मोठ्या बहिणीचे दिल्लीमध्ये निधन झाले़ तिच्या निधनामुळे मी हादरून गेलोय. माझ्या कुटुंबाला मोठा धक्का बसला आहे. 12 दिवस तिने कोरोनाशी लढा दिला होता. मात्र लन्ग्स कन्जेक्शनमुळे आम्ही तिला कायमचे गमावून बसलो. समजत नाही देव कोणता हिशोब चुकता करतोय? आज मी पहिल्यांदा आयुष्यात हादरलो आहे,’ अशा आशयाची पोस्ट त्यांनी लिहिली आहे.