बॉलिवूडची बेबो म्हणजेच अभिनेत्री करीना कपूर सतत वेगवेगळ्या कारणांमुळे चर्चेत येत असते. कधी तिच्या आगामी प्रोजेक्टमुळे तर कधी ग्लॅमरस फोटोंमुळे. गेल्या अनेक दिवसांपासून करीना एका चित्रपटातील सीतेच्या भूमिकेसाठी मानधन वाढवण्याच्या मागणीवरून चर्चेत आली आहे. वृत्तानुसार, तिने सीतेच्या भूमिकेसाठी भरमसाठ मानधन मागितले आहे.
सूत्रांच्या माहितीनुसार, करीना कपूरने चित्रपटातील सीतेच्या भूमिकेसाठी १२ कोटी रुपयांची मागणी केली होती आणि तिच्या या मागणीनंतर निर्माते आता तिच्या निर्णयावर पुनर्विचार करत आहेत. सोशल मीडियावर करीनाला या मागणीसाठी खूप ट्रोल करण्यात आले होते. इतकेच नाही तर ती या भूमिकेसाठी योग्य नसल्याचेही नेटकऱ्यांनी म्हटले होते.
करीना कपूरच्या वर्कफ्रंटबद्दल सांगायचे तर लवकरच ती आमिर खानसोबत लाल सिंग चड्ढा चित्रपटात दिसणार आहे. याशिवाय ती करण जोहरच्या तख्त या चित्रपटातदेखील काम करताना दिसणार आहे.