‘कबीर सिंग’ या चित्रपटाने पाचच दिवसांत १०० कोटींचा टप्पा पार केला आणि शाहिद कपूरला त्याच्या करिअरमधील पहिला ‘शंभर करोडी’ सोलो चित्रपट मिळाला. या यशामुळे शाहिद कपूर सध्या जाम खूश आहे आणि आता कदाचित या यशाची फळे चाखण्याची वेळही आली आहे. होय, ‘कबीर सिंग’नंतर माझ्याकडे एकही चित्रपट नाही, असे अलीकडे शाहिदने म्हटले होते. पण ‘कबीर सिंग’च्या यशानंतर शाहिदचा फोन पुन्हा खणखणू लागला आहे. ताजी चर्चा खरी मानाल, एक मोठा चित्रपट त्याच्या हाती लागला आहे. या चित्रपटाचे नाव आहे ‘जर्सी’.
‘सध्या माझ्याकडे काम नाही’
सध्या माझ्याकडे काम नाही. ‘कबीर सिंग’नंतर माझ्याकडे एकही चित्रपट नाही. मनातल्या मनात मला ही गोष्ट अस्वस्थ करतेय. पुढे मी काय करणार, हे मला ठाऊक नाही. अर्थात चित्रपट नसताना माझ्याकडे करण्यासारख्या अनेक गोष्टी असतात,असे शाहिद नुकत्याच दिलेल्या एका मुलाखतीत म्हणाला होता.
पाचच दिवसांत १०० कोटी ‘कबीर सिंग’ने पहिल्या दिवशी २०. २१ कोटींची कमाई केली. त्यानंतर दुस-या दिवशी २२.७१ कोटी रुपये, तिस-या दिवशी २७.९१ कोटी रुपये, तर सोमवारी आणि मंगळवारी अनुक्रमे १७.५४ आणि १६.५३ कोटींची कमाई केली आहे. ही एकूण कमाई १०४.९० कोटी रुपयांच्या घरात आहे.