बॉलिवूड अभिनेत्री ईशा कोप्पीकर आज ४३वा वाढदिवस साजरा करते आहे. ईशाला 'कृष्णा कॉटेज' चित्रपटातून खूप लोकप्रियता मिळाली होती. त्यानंतर तिच्या करियरमध्ये बरेच चढउतार आले. सध्या ती बॉलिवूडमधून गायब झाली आहे.
१९ सप्टेंबर, १९७६ साली मुंबईत जन्मलेली ईशाने तिच्या करियरची सुरूवात मॉडेलिंगपासून केली. फोटोशूटमुळे चर्चेत आलेल्या ईशाने १९९५मध्ये मिस इंडियामध्ये सहभाग घेतला आणि तिथे मिस टॅलेंटचा किताब जिंकला. त्यानंतर १९९८ साली तमीळ चित्रपट चंद्रलेखामधून तिने पदार्पण केलं. तोपर्यंत तिला बॉलिवूडमध्ये संधी मिळाली नव्हती.
तिचे बच के तू रहना हे आयटम साँग खूप लोकप्रिय झालं आणि तेव्हापासून तिला खल्लास गर्ल असं संबोधलं जावू लागलं. याच दरम्यान ईशाचं नाव इंदर कुमारसोबत जोडलं गेलं. मात्र त्याला असलेल्या दारूच्या व्यसनामुळे त्या दोघांचं ब्रेकअप झालं. इंदर कुमारचं हल्लीच निधन झालं आहे.
ईशा भलेही बॉलिवूडमध्ये जास्त प्रचलित झाली नसली तरी ती कोटींच्या संपत्तीची मालकीण आहे. इतकंच नाही तर ईशा कोप्पीकर राजकारणात सक्रीय आहे. ती केंद्रीय मंत्री नितीन गडकरींच्या उपस्थितीत भाजपमध्ये सहभागी झाली होती.
तसेच सध्या ती दाक्षिणात्य सिनेमांचं शूटिंग करत आहे.