देशात कोरोनाच्या दुस-या लाटेने सामान्य माणूस हवालदिल झाला आहे. रूग्णालयातील बेड, ऑक्सिजन शिवाय औषधांसाठी लोकांचा आक्रोश सुरू आहे. अशात मदतीचे अनेक हातही पुढे येत आहेत. अलीकडे अभिनेता सोनू सूदने टेलिग्राम अ‍ॅपवर ‘इंडिया फाइट्स विद कोव्हिड’ ही नवी मोहिम सुरू केली आहे. आता अभिनेता गुरमीत चौधरी (Gurmeet Choudhary) याने 1 हजार खाटांचे रूग्णालय उभारण्यासाठी कंबर कसली आहे. (Gurmeet Choudhary to open Covid 19 hospitals)
तूर्तास गुरमीतच्या या निर्णयाचे सर्व स्तरातून स्वागत होत आहे. अभिनेता करण वाही याने गुरमीतला मदतीचा हात देऊ केला आहे.महामारीच्या या काळात गुरमीतने सोशल मीडियाच्या मदतीने लोकांना बेड आणि ऑक्सिजन, प्लाज्मा मिळवून देण्यासाठी मदत करतोय. गेल्या वर्षी गुरमीत आणि त्याची पत्नी देबीना बॅनर्जी या दोघांना कोरोना झाला होता.
200 मजुरांना भोजन
अभिनेता शोएब इब्राहिम हा सुद्धा कोरोना काळात लोकांच्या मदतीसाठी पुढे सरसावला आहे. स्थलांतरित मजुरांना तो रोज एका वेळचे भोजन पुरवतो आहे. शिवाय मास्कचे वाटपही त्याने सुरू केले आहे. महिनाभर 200 मजुरांना एकावेळचे भोजन देणार असल्याची माहिती अलीकडेच त्याने व्हिडीओ शेअर करत दिली होती.