'भाग मिल्खा भाग'नंतर पुन्हा एकदा फरहान अख्तर आणखीन एका खेळावर आधारित सिनेमात काम करण्यास सज्ज झाला आहे. या सिनेमात फरहान बॉक्सरच्या भूमिकेत दिसणार आहे. या सिनेमात 'तूफान' नावाची भूमिका फरहान अख्तर साकारतोय. या सिनेमाच्या निमित्ताने सहा वर्षानंतर राकेश ओम प्रकाश मेहरा आणि फरहान अख्तर एकत्र येणार आहेत. याची निमिर्ती फरहान आणि रितेश सिंधवानी एकत्र मिळून करणार आहेत.
हा सिनेमा कोणाचाही बायोपिक नसून अंजुम राजाबली यांच्या काल्पनिक कथेवर आधारित आहे. यासिनेमासाठी फरहान बॉक्सिंगचे प्रशिक्षण घेणार आहे. फरहान राकेश ओम प्रकाश मेहरांसोबत पुन्हा एकदा काम करण्यास उत्सुक आहे. यावर्षीपासूनच सिनेमाची शूटिंग सुरु होण्याची शक्यता आहे.