'बाहुबली' चित्रपटात भल्लालदेवच्या भूमिकेतून घराघरात पोहचलेला अभिनेता राणा दग्गुबाती गेल्या काही दिवसांपासून त्याच्या तब्येतीमुळे चर्चेत आला आहे. काही दिवसांपूर्वी असं वृत्त आलं होतं की त्याची किडनी ट्रान्सप्लांट करण्यात आली आहे. असं सांगितलं जात होतं की, राणा दग्गुबातीची आई लक्ष्मीने तिची किडनी त्याला दिली आहे. मात्र या रिपोर्ट्सवर राना दग्गुबातीनं सांगितलं की ही फक्त अफवा आहे. मात्र नुकताच सोशल मीडियावर राणाने फोटो शेअर केला आहे. हा फोटो पाहून त्याच्या चाहत्यांना त्याची चिंता वाटत आहे.
राणा दग्गुबातीने इंस्टाग्रामवर एक फोटो शेअर केला आहे. या फोटोत तो एका ब्रॅण्डचं प्रमोशन करताना दिसत आहे. कधी हल्कसारखी बॉडी असणारा राणा या फोटोत खूप बारीक दिसतो आहे. हा फोटो पाहून चाहते वेगवेगळे तर्कवितर्क लावताना दिसत आहेत.
राणा तिथे व्हिएफएक्स कंपनीसोबत मिळून प्री प्रोडक्शनच्या कामात व्यग्र आहे.