अलीकडे एका ट्रोलरने दिग्दर्शक अनुराग कश्यपच्या मुलीला अतिशय अश्लिल भाषेत धमकी दिली होती. यानंतर अनुरागने थेट ट्रोलरने लिहिलेल्या कमेंट्सचे स्क्रीनशॉट शेअर करत, पंतप्रधान नरेंद्र मोदी यांचे याकडे लक्ष वेधले होते. माझ्या मुलीला धमक्या देत तुमच्या विजयाचा आनंद साजरा करणा-या समर्थकांशी तुम्ही कसे निपटणार, प्लीज मला सांगा, असे ट्वीट अनुरागने केले होते. आता याप्रकरणी अनुरागने एफआयआर दाखल केला आहे. शिवाय पंतप्रधान नरेंद्र मोदी व मुख्यमंत्री देवेंद्र फडणवीस यांचे आभार मानले आहेत. त्याने स्वत:च ही माहिती दिली.
अनुरागच्या मुलीचे नाव आलिया आहे. बी-टाउनमध्ये पॉप्युलर स्टार डॉटर्स म्हणून आलियाला ओळखले जाते. इन्स्टाग्रामवर तर ती प्रचंड अ‍ॅक्टिव्ह आहे. तिचे अकाउंट स्टायलिश आणि ग्लॅमरस फोटोंनी भरलेले आहे. आलिया रणबीर कपूरची मोठी चाहती आहे.
आलियाने एका फॅशन पोर्टलला मॉडलिंगही केले आहे. सध्या आलिया अमेरिकेतील एका स्कूलमध्ये शिक्षण घेत आहे. श्रीदेवीची मोठी मुलगी खुशी कपूर आणि आलिया खूप चांगल्या मैत्रिणी आहेत. आलियाने इन्स्टाग्रामवर खुशीसोबत अनेक फोटो शेअर केले आहेत.
आलिया तिच्या इन्स्टाग्रामवर ट्रॅव्हलिंग, पार्टी आणि तिच्या मित्रांसोबतचे फोटो नेहमीच शेअर करीत असते. फोटोवरून आलिया एक स्टार मटेरिअल आहे, हे स्पष्ट होते.