बॉलिवूड अभिनेता आर. माधवन भलेही चित्रपटात कमी दिसत असला तरी सोशल मीडियावर खूप एक्टिव्ह आहे. नुकताच त्याने एक व्हिडीओ शेअर केला आहे. ज्याची लोकांमध्ये खूप चर्चा होताना दिसते आहे. त्याने शेअर केलेल्या व्हिडीओत त्याची पत्नी सरीता बिरजे गरीब मुलांना शिकवताना दिसते आहे. हा व्हिडीओ पाहून नेटकरी तिचे खूप कौतुक करत आहेत.
आर माधवननं सोशल मीडियावर शेअर केलेल्या व्हिडिओमध्ये आर माधवनची पत्नी सरिता बिरजे गरीब मुलांना ऑनलाइन शिकवताना दिसत आहे. हा व्हिडिओ शेअर करताना आर माधवनने लिहिले, 'जेव्हा पत्नी तुम्ही खूपच लहान असल्याची जाणीव करून देते.' या व्हिडिओत आर. माधवन म्हणतोय, 'जेव्हा तुमची पत्नी देशातील गरीब मुलांना ऑनलाइन शिकवत असते आणि तुम्ही काहीच करत नसता.' हा व्हिडीओ सोशल मीडियावर खूप व्हायरल होत असून त्याच्यावर कौतुकाचा वर्षाव होताना दिसत आहे.