चांदणी बार, माचिस अशा अनेक हिट चित्रपटांची नायिका तब्बू सध्या एका वेगळ्या कारणांनी चर्चेत आहे. होय, 48 वर्षांच्या तब्बूसमोर अनेकांनी लग्नाचा प्रस्ताव ठेवला आहे. याचे कारण म्हणजे, तिचा एक फोटो.तब्बूने नुकतेच एक फोटोशूट केले. यातील एक फोटो पाहून चाहते असे काही फिदा झालेत की, अनेकांनी तिला लग्नासाठी प्रपोज केले.
या फोटोत तब्बू इतकी आकर्षक दिसतेय की, तिचे सौंदर्य पाहून अनेक खल्लास झालेत. मग काय ‘वील यू मॅरी मी’ असे अनेक प्रस्ताव तिला मिळू लागलेत. अनेकांनी तब्बूला ‘आय लव्ह यू’ म्हणत आपले प्रेम व्यक्त केले.
विजयपथ या सिनेमातून फिल्मी करिअर सुरु करणारी अभिनेत्री तब्बू आजही अविवाहित आहे. मी अविवाहित असण्याला अजय देवगण जबाबदार असल्याचे तब्बूने अनेक एका मुलाखतीत सांगितले आहे. ‘ मी आणि अजय आम्ही 25 वर्षांपासून एकमेकांना ओळखतो. अजय हा माझ्या चुलत भावाच्या शेजारी राहत होता. माझ्या करिअरच्या सुरुवातीपासून अजय माझ्यासोबत आहे. त्या काळात माझा चुलत भाऊ समीर आणि अजय दोघे सतत माझ्यासोबत असायचे. कुठलाही मुलगा माझ्यासोबत बोलला तरी हे दोघे त्यांना धमकावत असत. आजही मी अविवाहित ते फक्त अजय देवगणमुळेच. त्याने माझ्यासोबत काय केले या गोष्टीचा अजयला केव्हा तरी नक्कीच पश्चात्ताप होईल, असे तब्बू अलीकडे एका मुलाखतीत म्हणाली होती.