'आशिकी' फेम अभिनेते राहुल रॉय यांना काही दिवसांपूर्वी चित्रपटाच्या शूटिंगदरम्यान ब्रेन स्ट्रोकचा झटका आला होता. त्यांना मुंबईतल्या नानावटी रुग्णालयात दाखल करण्यात आले होते. आता त्यांच्या प्रकृतीत सुधारणा झाल्याचे समोर आले आहे. मंगळवारच्या तुलनेत बुधवारी त्यांचा प्रकृतीत चांगली सुधारणा झाली आहे. आता त्यांना आयसीयूमधून जनरल रुममध्ये हलविण्यात आले आहे. टाईम्स ऑफ इंडियाच्या वृत्तानुसार, डॉक्टरांनी राहुल रॉय यांच्या स्पीच आणि फिजिकल थेरेपीला सुरुवात केली आहे.
मीडिया रिपोर्ट्सनुसार, राहुल रॉय यांची मेहुणी रोमीर यांनी सांगितले की, 'आता ते धोक्यातून बाहेर आले आहेत आणि त्यांना काल अतिदक्षता विभागातून जनरल वॉर्डमध्ये शिफ्ट करण्यात आले आहे.'
एल ए सी- लाइव्ह द बॅटल या चित्रपटात निशांत मलकानी प्रमुख भूमिकेत दिसणार आहे. हा चित्रपट ओटीटी प्लॅटफॉर्म प्रदर्शित होणार आहे. या चित्रपटाचे दिग्दर्शन नितीन कुमार गुप्ता यांनी केले असून चित्रा वकिल शर्मा आणि निवेदिता बासु यांनी निर्मिती केली आहे.