बॉलिवूड सुपरस्टार आमिर खान याची मुलगी इरा तशी कॅमे-यांपासून दूर राहणे पसंत करते. पण सोशल मीडियावर मात्र ती कमालीची सक्रिय असते. सोशल मीडियावर तिचे असंख्य चाहते आहेत. काही दिवसांपूर्वी इरा तिच्या बॉयफ्रेन्डमुळे चर्चेत आली होती. यांनतर तिच्या हॉट फोटोशूटने इंटरनेटवर धुमाकूळ घातला होता. आता इरा एका व्हिडीओमुळे चर्चेत आहे. होय, या व्हिडीओत इरा जमिनीवर लेटलेली असून मदत मागतांना दिसतेय. जणू इरा एखाद्या चित्रपटाचा सीन समजावून सांगतेय, असे हा व्हिडीओ पाहिल्यानंतर भासतेय.
हा एक बूमरँग व्हिडीओ आहे. इराने स्वत: आपल्या सोशल अकाऊंटवर तो शेअर केला आहे. या व्हिडीओसोबत ती लिहिते, ‘मी अ‍ॅक्टिंगमध्ये फार चांगली नाही. स्वभावाने मी लाजाळू आहे. म्हणूनच मी अ‍ॅक्टिंगच्या फंदात पडले नाही. कारण मला अ‍ॅक्टिंग करायचीच नव्हती. पण तुम्हाला दिग्दर्शक व्हायचे असेल तरीही तुम्हाला वेळोवेळी अ‍ॅक्टिंग करावी लागते. असे करताना मला माझ्यातील सर्व कसब पणाला लावावे लागते. कधी कधी सगळे मॅनेज होते. कधी कधी नाही.’
इरा ही आमिर आणि त्याची पहिली पत्नी रीना दत्ता यांची मुलगी आहे. त्याशिवाय या दोघांना जुनैद खान नावाचा एक मुलगाही आहे.