छोट्या पडद्यावरील प्रसिद्ध अभिनेत्री आशा नेगी आणि अभिनेता अंश बागरी लवकरच एका वेबसीरिजमध्ये काम करताना दिसणार आहे. या वेबसीरिजचे नाव आहे लव्ह का पंगा. ही एक रोमँटिक कॉमेडी सीरिज असून हंगामा प्लेवर प्रसारीत होणार आहे.
पवित्र रिश्ता आणि अभय 2 यासारख्या टेलिव्हिजन आणि वेबशोजमधील भूमिकांसाठी ओळखली जाणारी आशा नेगी लव्ह का पंगा या सीरिजमध्ये नेहा या दिल्लीतील मॉडर्न मुलीची भूमिका साकारणार आहे. ती एकटीच काही दिवसांच्या सहलीला निघाली आहे. तर, वेल्लापंती, दिल तो हॅप्पी है जी आणि डेज ऑफ टफ्रीमध्ये प्रमुख भूमिका केलेला अंश बागरी या मालिकेत सुमीतची व्यक्तिरेखा साकारणार आहे. सुमीत अस्सल देशी, मुक्त स्वभावाचा हरियाणवी मुलगा आहे. मनालीच्या निसर्गरम्य वातावरणात चित्रित झालेली ही मालिका म्हणजे प्रेम आणि रोमान्सचे एक आधुनिक रूप आहे.अबुझ ओरिजनल निर्मित लव्ह का पंगाचे दिग्दर्शक आहेत नितेश सिंग.