Prime Focus Studio Share Price: अभिनेता रणबीर कपूरच्या आगामी 'रामायण' चित्रपटाशी संबंधित असलेल्या प्राइम फोकस स्टुडिओ या कंपनीच्या शेअर्समध्ये आज मोठी तेजी दिसून आली. आठवड्याच्या शेवटच्या दिवशी, गुरुवारी या कंपनीच्या शेअर्सने तब्बल १०% वाढ नोंदवली. कंपनीने नुकतेच चांगले तिमाही निकाल जाहीर केल्यामुळे शेअर्समध्ये ही वाढ झाली आहे. या शेअरने गेल्या ३ महिन्यात ६२ टक्के परतावा दिला आहे.
कंपनीचा नफा वाढलाएप्रिल-जून २०२५ या तिमाहीमध्ये प्राइम फोकस स्टुडिओला मोठा फायदा झाला आहे.
- निव्वळ नफा: या तिमाहीत कंपनीने ११०.४७ कोटींचा निव्वळ नफा कमावला. गेल्या वर्षी याच तिमाहीत कंपनीला १५८.०७ कोटींचा तोटा झाला होता.
- महसूल वाढला: कंपनीचा महसूलही २२.८% वाढून ९७६.८२ कोटी रुपये झाला आहे, जो मागील वर्षी ७९५ कोटी रुपये होता.
उत्कृष्ट तिमाही निकालांमुळे गुंतवणूकदारांचा कंपनीवरील विश्वास वाढला आहे, ज्यामुळे शेअरच्या किमतीत वाढ झाली आहे.
शेअरची कामगिरीआज नॅशनल स्टॉक एक्सचेंज (NSE) वर प्राइम फोकस स्टुडिओचा शेअर १५३.४० रुपयांवर उघडला आणि त्याने १६२.९२ रुपयांचा उच्चांक गाठला. गेल्या ६ महिन्यांत या शेअरने गुंतवणूकदारांना ५०% पेक्षा जास्त परतावा दिला आहे.
वाचा - केंद्रीय कर्मचाऱ्यांसाठी गुडन्यूज! ८वा वेतन आयोग कधी लागू होणार? सरकारचा मोठा खुलासा!
'रामायण' चित्रपटाशी संबंधप्राइम फोकस स्टुडिओ ही कंपनी रणबीर कपूरच्या 'रामायण' चित्रपटाच्या निर्मितीची देखरेख करत आहे. गेल्या महिन्यात जेव्हा 'रामायण'चा टीझर रिलीज झाला, तेव्हाही या कंपनीच्या शेअरमध्ये ७% वाढ झाली होती. काही मीडिया रिपोर्ट्सनुसार, रणबीर कपूरनेही या कंपनीत २० कोटी रुपयांची गुंतवणूक केली आहे. कंपनीने ४६ कोटी रुपयांपेक्षा जास्त किमतीच्या शेअर्सच्या प्राधान्य इश्यूला मंजुरी दिली होती, ज्यात रणबीर कपूरचे नावही होते. या सर्व कारणांमुळे प्राइम फोकस स्टुडिओचे शेअर्स सध्या चर्चेत आहेत आणि गुंतवणूकदारांना चांगला परतावा देत आहेत.