Investment Opportunity :शेअर बाजारात दीर्घकाळ चांगली वाढ देऊ शकणाऱ्या कंपन्यांच्या शोधात असलेल्या गुंतवणूकदारांसाठी एक महत्त्वाची बातमी आहे. प्रसिद्ध ब्रोकरेज फर्म मोतीलाल ओसवाल फायनान्शियल सर्व्हिसेसने आपला संशोधन अहवाल जारी केला आहे. या अहवालात संरक्षण, पायाभूत सुविधा आणि वित्तीय सेवा क्षेत्रातील पाच प्रमुख शेअर्समध्ये मजबूत वाढीचा आलेख दिसू शकतो, असा अंदाज व्यक्त केला आहे.
संरक्षण आणि पायाभूत सुविधा क्षेत्रातील निवड१. भारत इलेक्ट्रॉनिक्स (BEL) – लक्ष किंमत: ४९० रुपयेमहत्त्वाचे कारण: भारतीय लष्कराच्या 'QRSAM अनंत शस्त्र' प्रकल्पासाठी ३०,००० कोटी रुपयांचे टेंडर BEL ला मिळाल्याने कंपनीची ऑर्डर बुक १ लाख कोटींच्या पुढे गेली आहे.वाढीचे स्रोत: रडार्स, इलेक्ट्रॉनिक वॉरफेअर सिस्टीम, कम्युनिकेशन नेटवर्क आणि ड्रोन-डिफेन्स सोल्यूशन्समध्ये स्थिर संधी.निष्कर्ष: BEL साठी FY२५-२८ दरम्यान विक्री/EBITDA/PAT मध्ये सुमारे १८%/१७%/१७% CAGR अपेक्षित आहे. यामुळे, संरक्षण क्षेत्रातील गुंतवणुकीसाठी BEL एक आकर्षक पर्याय आहे.
२. लार्सन ॲन्ड टर्बो – लक्ष किंमत: ४,३०० रुपयेमहत्त्वाचे कारण: कंपनीला STATCOM, SCADA आणि मुंबई-अहमदाबाद बुलेट ट्रेन प्रकल्पांसाठी दोन मोठे ऑर्डर्स (२,५००–५,००० कोटी रुपये) मिळाले आहेत.वाढीचे स्रोत: NPCIL कडून न्यूक्लिअर सिव्हिल वर्कचे 'Significant' ऑर्डर मिळाल्याने महत्त्वाच्या पायाभूत सुविधा प्रकल्पांमधील कंपनीचे नेतृत्व सिद्ध झाले आहे. GCC प्रदेशात (आखाती देश) नूतनीकरणक्षम आणि ट्रान्समिशन प्रकल्पांमुळे कमाईचे स्रोत विविधीकरण होत आहे.निष्कर्ष: L&T साठी FY२५-२८ दरम्यान PAT मध्ये २०% CAGR अपेक्षित आहे.
३. KEI Industries – लक्ष किंमत: ४,७०० रुपयेमहत्त्वाचे कारण: कंपनीने १७ अब्ज रुपये खर्चाचा सानंद येथील नवीन प्रकल्प सुरू केला आहे, ज्यामुळे FY२७ पर्यंत ५५–६० अब्ज रुपयांची अतिरिक्त क्षमता जोडली जाईल.वाढीचे स्रोत: कंपनी B2C महसूल वाढवण्यासाठी (FY२५ मध्ये ५२% पर्यंत वाढ) आणि निर्यातीवर लक्ष केंद्रित करत आहे (निर्यात वाटा १५-१८% पर्यंत वाढवण्याचे लक्ष्य).निष्कर्ष: KEI Industries साठी FY२५-२८ दरम्यान महसूल/PAT मध्ये अनुक्रमे १८%/२१% CAGR अपेक्षित आहे.
बँकिंग आणि वित्तीय सेवा क्षेत्रातील निवड४. इंडियन बँक – लक्ष किंमत: ८०० रुपयेमहत्त्वाचे कारण: रिटेल, कृषी आणि एमएसएमई (RAM) सेगमेंटमध्ये मजबूत वाढीमुळे FY२५–२८ पर्यंत कर्जाची वाढ १०-१२% अपेक्षित आहे.आर्थिक स्थिरता: बँकेची मालमत्ता गुणवत्ता मजबूत असून GNPA सुमारे ३% आणि NNPA ०.२% च्या जवळपास आहे.निष्कर्ष: १.२–१.३% RoA (Return on Assets) मार्गदर्शन आणि स्थिर क्रेडिट खर्चासह, इंडियन बँक स्थिर आणि सुरक्षित परतावा देण्यास सक्षम आहे.
५. श्रीराम फायनान्स – लक्ष किंमत: ७८० रुपयेमहत्त्वाचे कारण: कंपनीने वाहनांच्या कर्जाऐवजी नूतनीकरणक्षम ऊर्जा, व्यापारी कर्ज, गोल्ड लोन आणि एमएसएमई यांसारख्या उदयोन्मुख सेगमेंटवर लक्ष केंद्रित करून आपली कर्ज धोरणे बदलली आहेत.वाढीचे स्रोत: ग्रामीण भागातील ७५० हून अधिक शाखांमुळे वितरण आणि ग्राहक प्रवेश वाढेल. गोल्ड लोन आणि जुन्या कमर्शियल वाहनांच्या कर्जांमध्ये मजबूत वाढ.निष्कर्ष: कंपनीसाठी FY२५–२७ दरम्यान PAT मध्ये सुमारे १७% CAGR अपेक्षित आहे. RoA/RoE FY२७ पर्यंत ३.२%/१६% राहण्याचा अंदाज आहे.
वाचा - GST कपातीनंतर आता EMI चा भारही हलका होणार; कर्जाचे ३ नियम १ ऑक्टोबरपासून लागू
डिस्क्लेमर : शेअर बाजारातगुंतवणूक करणे हे बाजारातील जोखमीच्या अधीन असते. हा लेख मोतीलाल ओसवाल फायनान्शियल सर्व्हिसेसने दिलेल्या संशोधनावर आधारित आहे. गुंतवणूकदारांनी कोणताही निर्णय घेण्यापूर्वी प्रमाणित आर्थिक सल्लागाराचा सल्ला घ्यावा.
Web Summary : Motilal Oswal identifies five promising stocks: BEL, L&T, KEI Industries, Indian Bank, and Shriram Finance. These shares from defense, infrastructure, and finance sectors are poised for significant growth. Consult financial advisor before investing.
Web Summary : मोतीलाल ओसवाल ने पाँच आशाजनक स्टॉक की पहचान की: बीईएल, एलएंडटी, केईआई इंडस्ट्रीज, इंडियन बैंक और श्रीराम फाइनेंस। रक्षा, बुनियादी ढांचा और वित्त क्षेत्रों के ये शेयर महत्वपूर्ण विकास के लिए तैयार हैं। निवेश से पहले वित्तीय सलाहकार से सलाह लें।