पुन्हा एकदा निराशा! गुंतवणूकदारांचे ३.२४ लाख कोटी बुडाले! 'या' कारणांमुळे बाजार धडाम

Share Market Today: भारतीय शेअर बाजार आज, २५ सप्टेंबर रोजी सलग पाचव्या दिवशी घसरणीसह बंद झाले. शेवटच्या तासात बाजारात मोठी विक्री झाली.

Share Market Today : भारतीय शेअर बाजारात पडझडीचे सत्र थांबायला तयार नाही. आज, २५ सप्टेंबर रोजी बाजारात सलग पाचव्या दिवशी घसरण दिसून आली. शेवटच्या तासात झालेल्या जोरदार विक्रीमुळे सेन्सेक्स आणि निफ्टी दोन्ही प्रमुख निर्देशांक १ टक्क्याच्या जवळ तुटले. यामुळे गुंतवणूकदारांना आज एकाच दिवसात तब्बल ३.२४ लाख कोटी रुपयांचे मोठे नुकसान झाले.

व्यवहार संपला तेव्हा सेन्सेक्स ५५५.९५ अंकांनी घसरून ८१,१५९.६८ च्या पातळीवर बंद झाला. तर निफ्टी १६६.०५ अंकांनी खाली येऊन २४,८९०.८५ च्या स्तरावर स्थिरावला.

मोठी घसरण होण्याची प्रमुख कारणेशेअर बाजारात सुरू असलेल्या या पडझडीसाठी अनेक आंतरराष्ट्रीय आणि देशांतर्गत घटक कारणीभूत आहेत.

• विदेशी गुंतवणूकदारांची विक्री: विदेशी संस्थात्मक गुंतवणूकदारांकडून भारतीय बाजारात सतत विक्रीचा दबाव कायम आहे.
• कमजोर रुपया आणि व्हिसा धोरण: भारतीय रुपयाची कमजोरी आणि अमेरिकेच्या नवीन एच-१बी व्हिसा धोरणामुळे आयटी क्षेत्रातील गुंतवणूकदारांचे मनोबल खालावले आहे.
• जागतिक संकेत: कमजोर जागतिक आर्थिक संकेतांनीही गुंतवणूकदारांच्या भावनांवर नकारात्मक परिणाम केला.

या पडझडीमुळे बीएसईमध्ये सूचीबद्ध कंपन्यांचे एकूण बाजार भांडवल ४६०.५६ लाख कोटी रुपयांवरून कमी होऊन ४५७.३२ लाख कोटी रुपयांवर आले, म्हणजेच गुंतवणूकदारांचे ३.२४ लाख कोटी बुडाले.

आयटी आणि ऑटो क्षेत्राला मोठा फटकाआजच्या ट्रेडिंग सत्रात सर्वाधिक घसरण आयटी, रिॲल्टी आणि ऑटो कंपन्यांच्या शेअर्समध्ये झाली.आयटी क्षेत्राची स्थिती: निफ्टी आयटी इंडेक्स गेल्या ५ दिवसांत जवळपास ६ टक्क्यांनी तुटला आहे, जो या धोरणांच्या चिंतेमुळे निर्माण झाला आहे.क्षेत्रीय निर्देशांक: बीएसई मिड-कॅप आणि स्मॉल-कॅप इंडेक्समध्येही जवळपास ०.७५ टक्क्यांची घसरण नोंदवली गेली. मेटल क्षेत्रातील शेअर्सनी मात्र बाजाराला थोडाफार आधार देण्याचा प्रयत्न केला.

टॉप गेनर्स आणि टॉप लूजर्सआज सेन्सेक्समधील ३० पैकी २७ शेअर्स लाल निशाणीवर बंद झाले.सर्वाधिक घसरलेले शेअर्स : ट्रेंटचा शेअर सर्वाधिक ३.१९ टक्क्यांनी घसरला. याशिवाय टाटा मोटर्स, टीसीएस आणि एशियन पेंट्सच्या शेअर्समध्येही २ टक्क्यांहून अधिक घट झाली.वाढलेले शेअर्स : फक्त ३ शेअर्स वाढीसह बंद झाले. यामध्ये पॉवर ग्रिड (२.०५% वाढ), भारती एअरटेल आणि ॲक्सिस बँकचा समावेश होता.

वाचा - कर्जमुक्त होणे म्हणजे आर्थिक स्वातंत्र्य नव्हे! ३० वर्षीय तरुणाची 'ती' चूक, सीएने सांगितला मोठा धोका

एकूण बाजारपेठेची स्थिती पाहिली असता, बॉम्बे स्टॉक एक्सचेंजवर आज २,७०३ शेअर्स घसरणीसह बंद झाले, तर केवळ १,४७४ शेअर्स वाढले. बाजारातील ही नकारात्मक स्थिती सलग पाचव्या दिवशी कायम राहिली आहे.