Bharat Coking Coal Share Price: बीसीसीएल शेअरची बाजारात दमदार एन्ट्री; लिस्टिंगच्या दिवशीच गुंतवणूकदारांचे पैसे झाले दुप्पट, गुंतवणूकदार मालामाल

Bharat Coking Coal Share Price: कोल इंडिया लिमिटेडची (Coal India Limited) उपकंपनी असलेल्या 'भारत कोकिंग कोल लिमिटेड'चे (BCCL) शेअर्स आज, सोमवारी शेअर बाजारात लिस्ट झाले. या कंपनीचे मुख्यालय झारखंडमधील धनबाद येथे आहे. ज्या गुंतवणूकदारांना आयपीओमध्ये (IPO) शेअर्स मिळाले होते, त्यांचे पैसे पहिल्याच दिवशी दुप्पट झाले आहेत.

शेअर बाजारात जबरदस्त लिस्टिंग

बीसीसीएलच्या शेअर्सनी आज शेअर बाजारात अतिशय सकारात्मक सुरुवात केली. एनएसईवर हा शेअर ४५ रुपयांवर लिस्ट झाला, जे २३ रुपयांच्या इश्यू प्राईसपेक्षा ९५.६% जास्त आहे. दुसरीकडे, बीएसईवर (BSE) हा शेअर ४५.२१ रुपयांवर लिस्ट झाला, जी ९६.६% ची वाढ दर्शवते. कंपनीचा १,०७१ कोटी रुपयांचा आयपीओ गेल्या वर्षीच आला होता. हा आयपीओ पूर्णपणे कोल इंडिया लिमिटेडच्या वतीने 'ऑफर फॉर सेल' (OFS) अंतर्गत होता आणि त्याला गुंतवणूकदारांचा जबरदस्त प्रतिसाद मिळाला.

ग्रीनलँडवर नियंत्रण मिळवण्याचा हट्ट, ट्रम्प यांनी ८ युरोपियन देशांवर लादलं शुल्क; संपूर्ण युरोपमध्ये खळबळ

१४७ पट ओव्हरसबस्क्रिप्शन

बीसीसीएलच्या आयपीओला एकूण १४७ पट सबस्क्रिप्शन मिळालं होतं. यामध्ये संस्थात्मक गुंतवणूकदार, बिगर-संस्थात्मक गुंतवणूकदार आणि किरकोळ गुंतवणूकदार या सर्व श्रेणींमध्ये शेअर्सची मोठी मागणी दिसून आली होती. लिस्टिंगपूर्वी, भारत कोकिंग कोलचे मूल्यांकन १०,७११ कोटी रुपये इतकं होतं.

कंपनी काय काम करते?

भारत कोकिंग कोल ही भारतातील कोकिंग कोलची सर्वात मोठी उत्पादक कंपनी आहे. देशातील एकूण कोकिंग कोल उत्पादनापैकी सुमारे ६०% हिस्सा एकट्या याच कंपनीकडून उत्पादित केला जातो. १९७२ मध्ये स्थापन झालेली ही कंपनी झारखंड आणि पश्चिम बंगालमध्ये ३४ कोळसा खाणींचं संचलन करते. या खाणींमध्ये भूमिगत आणि ओपनकास्ट अशा दोन्ही प्रकारच्या कार्यांचा समावेश आहे. स्टील आणि पॉवर क्षेत्रातील कंपन्या हे या कंपनीचे मुख्य ग्राहक आहेत.

(टीप : यामध्ये केवळ शेअरच्या कामगिरीविषयी माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)

English

हिंदी सारांश

Web Title : BCCL Share Debut Doubles Investor Money; Lucrative Market Entry

Web Summary : Bharat Coking Coal shares soared on their market debut, doubling investors' money on listing day. The IPO, oversubscribed 147 times, saw strong demand across all investor categories. BCCL, a Coal India subsidiary, is India's largest coking coal producer, supplying steel and power sectors.