Post Office MIS : शेअर मार्केट किंवा म्युच्युअल फंड योजनेत मोठी जोखीम असते. तुम्हाला हा धोका टाळायला असेल तर तुमच्यासाठी पोस्ट ऑफिस अनेक योजना घेऊन आले आहेत. अनेक पोस्ट ऑफिस बचत योजना लहान गुंतवणूकदारांमध्ये लोकप्रिय आहेत. त्यापैकी एक एक आहे मासिक बचत योजना (Post Office Monthly Income Scheme). या योजनेद्वारे कोणतीही व्यक्ती दरमहा कमाई करू शकते. ज्यांना नियमित उत्पन्न हवे आहे त्यांच्यासाठी ही योजना अतिशय फायदेशीर आहे. या योजनेद्वारे तुम्हाला ९,२५० रुपये मासिक उत्पन्न आणि १,११,००० रुपये वार्षिक उत्पन्न मिळू शकते.
मासिक बचत योजना काय आहे?पोस्ट ऑफिस मासिक बचत योजना ही एक ठेव योजना आहे, ज्यामध्ये तुम्ही दर महिन्याला व्याज मिळवू शकता. तुम्हाला महिन्याला किती परतावा हवा आहे, हे तुमच्या ठेव रकमेवर अवलंबून असते. खात्यावर मिळणारे व्याज पोस्ट ऑफिस बचत खात्यात जमा केले जाते. तुम्ही ५ वर्षानंतर तुमची ठेव काढू शकता. तुम्हाला भविष्यातही या योजनेचा लाभ घ्यायचा असेल तर तुम्ही यामध्ये गुंतवणूक करू शकता.
एकल आणि संयुक्त खातेया योजनेत तुम्ही एकल आणि संयुक्त खाते उघडू शकता. दोन किंवा तीन लोक संयुक्त खाते उघडू शकतात. एकल खात्यात ठेव मर्यादा कमी आणि संयुक्त खात्यात जास्त आहे. अशा परिस्थितीत जर तुम्ही तुमच्या पत्नीसोबत संयुक्त खाते उघडले तर तुम्ही जास्त पैसे जमा करू शकता आणि जास्त कमाई करू शकता.
एकल आणि संयुक्त खातेतुम्ही एका खात्यात ९ लाख रुपये आणि संयुक्त खात्यात 15 लाख रुपयांपर्यंत गुंतवणूक करू शकता. तुम्हाला फक्त एकदाच पैसे जमा करावे लागतील आणि त्यावर तुम्हाला ५ वर्षांसाठी व्याज मिळेल. सध्या या योजनेवर ७.४ टक्के दराने व्याज दिले जात आहे.
१,११,००० रुपये कसे कमवायचेजर तुम्ही तुमच्या पत्नीसह या योजनेत १५ लाख रुपये जमा केले तर तुम्हाला ७.४ टक्के व्याज दराने वार्षिक १,११,००० रुपये आणि दरमहा ९,२५० रुपये मिळतील. १,११,००० x ५ = ५,५५,००० अशा प्रकारे तुम्हाला 5 वर्षात फक्त व्याजातून ५,५५,००० रुपये मिळतील.
सिंगल अकाउंटवर किती कमाई होते तुम्ही हे खाते सिंगल उघडल्यास, तुम्ही जास्तीत जास्त ९ लाख रुपये जमा करू शकता. अशा परिस्थितीत, ७.४ टक्के व्याजदराने, तुम्हाला एका वर्षात ६६,६०० रुपये व्याज मिळू शकते आणि दरमहा ५,५५० रुपये कमावता येतात. अशा प्रकारे तुम्ही ५ वर्षात केवळ व्याजाद्वारे ३,३३,००० रुपये कमवू शकता.
कोण खाते उघडू शकते हे जाणून घ्या?देशातील कोणताही नागरिक पोस्ट ऑफिस मासिक उत्पन्न योजनेत खाते उघडू शकतो. मुलाच्या नावानेही खाते उघडता येते. मुलाचे वय १० वर्षांपेक्षा कमी असल्यास, त्याचे पालक किंवा कायदेशीर पालक त्याच्या नावावर खाते उघडू शकतात. मूल १० वर्षांचे झाल्यावर त्याला स्वतः खाते चालवण्याचा अधिकार मिळू शकतो. एमआयएस खात्यासाठी तुमचे पोस्ट ऑफिसमध्ये बचत खाते असणे आवश्यक आहे. ओळखपत्रासाठी आधार कार्ड, पॅन कार्ड देणे बंधनकारक आहे.