EPF Balance Check : तुम्ही सरकारी किंवा खाजगी क्षेत्रात नोकरी करत असाल तर तुमचाही पीएफ कापला जात असेल. पण, किती वर्षात किती पीएफ कापला गेला? किंवा पीएफ शिल्लक कशी तपासायची याचं ज्ञान अनेकांना नसतं. बरेचजण तर असेही आहेत, की गेल्या दोनचार वर्षात त्यांनी एकदाही पीएफ बॅलन्स तपासला नसेल. जर तुम्ही ५ वर्षे किंवा त्याहून अधिक काळ काम करत असाल तर तुमच्या पीएफ खात्यात किती पैसे जमा झाले असतील? याचं गणित आज पाहू.
५ वर्षात किती पैसे जमा झाले असतील?पगारानुसार पीएफची रक्कम वेगळ्या पद्धतीने कापली जाते. अनेक ठिकाणी पीएफचे पैसे कर्मचाऱ्यांच्या बाजूनेच कापले जातात, तर काही कंपन्यांमध्ये पीएफचे पैसे कर्मचारी आणि कंपनीच्या बाजूने कापले जातात. याचा अर्थ, जर तुमचा पीएफ दरमहा १८०० रुपये कापत असेल आणि कंपनीने तुमच्या पीएफ खात्यात दरमहा १८०० रुपये जमा केले तर तुमचे एकूण पैसे दरमहा ३६०० रुपये तुमच्या पीएफ खात्यात जमा होत आहेत. आता तुम्हाला ५ वर्षांची शिल्लक जोडायची असेल तर आधी ३६०० ला १२ ने गुणा नंतर आलेल्या उत्तराला ५ ने गुणले तर २,१६,००० रुपये तुमचे ५ वर्षात जमा झालेले असतील.
पीएफ शिल्लक कशी तपासायची?तुम्ही ५ वर्षे किंवा त्याहून अधिक काळ काम करत असाल आणि तुमचा PF सतत कापला जात असेल, तर तुम्ही तुमच्या PF खात्यात जमा झालेल्या पैशांची माहिती EPFO वेबसाइटवरून तपासू शकता. यासाठी तुम्हाला ईपीएफओच्या वेबसाइटवर जावे लागेल.यानंतर, तुम्हाला ‘‘Our Services’ सेक्शनवर जा आणि ‘For Employees’ वर क्लिक करावे लागेल. त्यानंतर ‘Member Passbook’ या पर्यायावर क्लिक करा. यानंतर तुमचा UAN नंबर आणि पासवर्ड टाका. हे केल्यानंतर, तुम्ही तुमचे पासबुक पाहू शकता, जेथे पीएफ शिल्लक आणि जमा केलेल्या रकमेबद्दल संपूर्ण माहिती उपलब्ध असेल.
SMS आणि APP द्वारे माहिती कशी मिळवायची?जर तुम्हाला तुमच्या पीएफ खात्याची शिल्लक एसएमएसद्वारे तपासायची असेल, तर त्यासाठी तुमचा UAN क्रमांक सक्रिय करणे आवश्यक आहे. यासाठी तुम्हाला तुमच्या नोंदणीकृत मोबाइल नंबरवरून ‘EPFOHO UAN’ टाइप करून ७७३८२९९८९९ वर पाठवावे लागेल. तुम्ही हे करताच, तुम्हाला एसएमएसद्वारे पीएफ शिल्लकची माहिती मिळेल.
याशिवाय तुम्ही मिस्ड कॉलद्वारे तुमचा पीएफ शिल्लक तपासू शकता. यासाठी तुम्हाला तुमच्या नोंदणीकृत मोबाईल क्रमांकावरून फक्त ०११-२२९०१४०६ वर मिस्ड कॉल द्यावा लागेल.
तुम्हाला ॲपद्वारे तुमच्या पीएफ खात्याची शिल्लक जाणून घ्यायची असेल, तर तुम्हाला UMANG (Unified Mobile Application for New-age Governance) ॲपची मदत घ्यावी लागेल. या ॲपमध्ये तुम्हाला ‘EPFO’ पर्याय निवडावा लागेल आणि नंतर ‘Employee-Centric Services’ वर क्लिक करावे लागेल. यानंतर तुम्हाला तुमचा UAN नंबर आणि OTP टाकावा लागेल. तुम्ही हे करताच तुमचे पीएफ पासबुक तुमच्या समोर उघडेल.