Gautam Adani: गौतम अदानी यांनी आता एव्हिएशन क्षेत्रात पाऊल ठेवले आहे. अदानी डिफेन्स सिस्टम्स अँड टेक्नॉलॉजीज लिमिटेड (ADSTL) ने प्राइम एअरो सर्व्हिसेससोबत मिळून फ्लाइट सिम्युलेशन टेक्नीक सेंटर (FSTC) मध्ये 820 कोटी रुपयांची गुंतवणूक केली आहे. याद्वारे कंपनीच्या बहुतांश भागावर अदानींची मालकी असेल. हा व्यवहार भारतातील एव्हिएशन, डिफेन्स आणि उच्च-तंत्रज्ञान प्रशिक्षण इन्फ्रास्ट्रक्चरमध्ये अदानी समूहाची वाढती गुंतवणूक आणि महत्त्वाकांक्षा दर्शवतो.
भारतातील सर्वात मोठी स्वतंत्र फ्लाइट ट्रेनिंग कंपनी
FSTC ही भारतातील सर्वात मोठी इंडिपेंडंट फ्लाइट ट्रेनिंग आणि सिम्युलेशन संस्था आहे. कंपनीकडे 11 अत्याधुनिक फुल-फ्लाइट सिम्युलेटर, 17 प्रशिक्षण विमान, DGCA आणि युरोपियन युनियन एव्हिएशन सेफ्टी एजन्सी (EASA) चे प्रमाणपत्रदेखील आहेत. या आंतरराष्ट्रीय मान्यतांमुळे FSTC ला जागतिक स्तरावर ओळख मिळाली आहे. कंपनी गुरुग्राम आणि हैदराबादमध्ये आधुनिक सिम्युलेशन केंद्रे चालवते. आपली क्षमता आणखी वाढवण्याची क्षमता कंपनीकडे उपलब्ध आहे.
फ्लाइंग स्कूलचेही संचालन
सिम्युलेशन सुविधा व्यतिरिक्त FSTC हरियाणातील भिवानी आणि नारनौल येथे मोठ्या फ्लाइंग स्कूलचे संचालन करते. येथे कमर्शियल, तसेच डिफेन्स पायलट्सना प्रशिक्षण दिले जाते आणि देशासाठी आवश्यक उच्च-प्रशिक्षित एव्हिएशन प्रोफेशनल्स तयार केले जातात.
अदानी समूहाची रणनीती
अदानी एंटरप्राइजेसच्या मते सिम्युलेटर-आधारित प्रशिक्षण हा एव्हिएशन आणि डिफेन्स दोन्ही क्षेत्रांसाठी मोठा संधीविषयक विभाग आहे. यामुळे प्रशिक्षणाचा खर्च कमी होतो, सेफ्टी आणि कार्यक्षमता वाढते, जटिल डिफेन्स ट्रेनिंग अधिक परिणामकारक होते. अदानीडिफेन्स आणि एअरोस्पेसचे CEO आशीष राजवंशी यांनी सांगितले की, हे अधिग्रहण समूहाच्या फुली-इंटिग्रेटेड एव्हिएशन सर्व्हिसेस प्लॅटफॉर्म उभारण्याच्या रणनीतीतील पुढचे पाऊल आहे.
एव्हिएशन सेक्टरला कसा फायदा होणार?
FSTC अदानी समूहाच्या विद्यमान कंपन्या Air Works आणि Indamer Technics सोबत एकत्र आल्यानंतर ग्रुप आता खालील सर्व सेवा एका छताखाली देऊ शकतो:
सिव्हिल विमान देखभाल
जनरल एव्हिएशन MRO
डिफेन्स MRO
संपूर्ण फ्लाइट ट्रेनिंग सेवा
पायलटांची वाढती मागणी
आगामी काही वर्षांत भारतातील एअरलाइन्स 1,500 हून अधिक विमाने खरेदी करू शकतात. त्यामुळे लायसन्सधारक पायलटांची मागणी मोठ्या प्रमाणात वाढणार आहे. त्याचबरोबर डिफेन्स क्षेत्रात प्रगत प्रशिक्षण, मिशन रिहर्सल, मिलिटरी सिम्युलेशन गरजेचे आहे. सरकारकडून वाढते प्रोत्साहन मिळत असल्यामुळे नवीन संधी निर्माण होत आहेत.
Web Summary : Gautam Adani expands into aviation, acquiring a major stake in Flight Simulation Technique Centre (FSTC) for ₹820 crore. This strengthens Adani's aviation services, offering pilot training, MRO, and defense simulation, meeting growing pilot demand and sector advancements.
Web Summary : गौतम अडानी ने विमानन क्षेत्र में कदम रखा, ₹820 करोड़ में फ्लाइट सिमुलेशन टेक्नीक सेंटर (FSTC) में बड़ी हिस्सेदारी खरीदी। इससे अडानी की विमानन सेवाएं मजबूत होंगी, पायलट प्रशिक्षण, एमआरओ और रक्षा सिमुलेशन प्रदान किया जाएगा, पायलटों की बढ़ती मांग और क्षेत्र की प्रगति को पूरा किया जाएगा।