FD सुरक्षित, पण श्रीमंत होण्यासाठी पुरेश नाही! जास्त परतावा हवा असल्यास 'हे' ५ पर्याय बेस्ट

Investment Tips : जर तुम्ही एफडीपेक्षा जास्त परतावा शोधत असाल, तर फक्त बँक ठेवींवर अवलंबून राहणे चूक ठरू शकते. आम्ही तुमच्यासाठी अशा ५ योजना घेऊन आलो आहोत, ज्या ११% पर्यंत परतावा देतात.

Investment Tips : आजच्या बदलत्या आर्थिक वातावरणात, केवळ बँक फिक्स्ड डिपॉझिटवर अवलंबून राहणे आर्थिकदृष्ट्या शहाणपणाचे मानले जात नाही. एफडी सुरक्षित असली तरी, दीर्घकाळात मोठी संपत्ती निर्माण करण्याचा तो सर्वोत्तम मार्ग नाही, असे तज्ज्ञांचे मत आहे. त्यामुळे, गुंतवणूकदारांनी जास्त परतावा आणि उत्तम विविधता देणाऱ्या पर्यायांचा विचार करणे गरजेचे आहे.

FD ची मर्यादा : महागाईवर मात नाहीफिक्स्ड डिपॉझिट हा पर्याय नवीन गुंतवणूकदारांसाठी आणि सुरक्षिततेसाठी चांगला आहे, कारण तो निश्चित परतावा देतो. पण, आजच्या महागाईच्या दरापुढे एफडीचा व्याजदर फिका पडतो. त्यामुळे ती मुख्य संपत्ती-निर्माण करण्याची रणनीती मानली जात नाही. दीर्घकाळात मोठी संपत्ती निर्माण करण्यासाठी ते पुरेसे नाही. गुंतवणूकदारांनी असे पर्याय निवडले पाहिजेत, जे वेळेनुसार चांगला परतावा देऊ शकतील.

FD ला पर्याय ठरतील 'हे' ६ उत्तम गुंतवणूक पर्यायसरकारी बॉन्ड - ८.०५% व्याजकेंद्र सरकारचे बॉन्ड जवळजवळ जोखीममुक्त मानले जातात आणि स्थिर परतावा देतात. सध्या आरबीआयच्या फ्लोटिंग रेट सेव्हिंग्स बॉन्ड्स वर ८.०५% व्याज मिळत आहे. 'RBI Retail Direct' प्लॅटफॉर्मद्वारे हे बॉन्ड खरेदी करणे सोपे आहे.

२. कॉर्पोरेट बॉन्ड - ९ ते ११% परतावागुंतवणूकदारांना कॉर्पोरेट बॉन्ड्समध्ये एफडीपेक्षा जास्त, म्हणजेच ९% ते ११% पर्यंत परतावा मिळू शकतो. यात थोडी जास्त जोखीम असते, त्यामुळे गुंतवणूक करण्यापूर्वी कंपनीचे क्रेडिट रेटिंग तपासून घेणे महत्त्वाचे आहे. योग्य निवड केल्यास पोर्टफोलिओमध्ये चांगली वाढ होते.

३. कॉर्पोरेट FD - ८.५% पर्यंत परतावाबँकांच्या तुलनेत कॉर्पोरेट एफडी ८.५% पर्यंत परतावा देऊ शकतात. हे पर्याय सरकारी हमी दिलेले नसतात, त्यामुळे AAA-रेटेड NBFCs (उदा. Bajaj Finserv किंवा Shriram Finance) मध्ये गुंतवणूक करणे सुरक्षित मानले जाते.

४. सर्टिफिकेट ऑफ डिपॉझिटबँका आणि वित्तीय संस्था १ ते ३ वर्षांच्या मुदतीचे सीडीज जारी करतात. यावर मिळणारा परतावा बचत खात्यापेक्षा जास्त असतो. कमी कालावधीसाठी गुंतवणूक करणाऱ्यांसाठी हा चांगला पर्याय आहे. यात जोखीम कमी आणि लिक्विडिटी (रोख रक्कम उपलब्ध होण्याची क्षमता) चांगली असते.

५. सॉवरेन गोल्ड बॉन्डसॉवरेन गोल्ड बॉन्ड्स हे सोन्याच्या किमतींशी जोडलेले असतात आणि सोन्याच्या वाढीव किमतीचा फायदा देतात. याव्यतिरिक्त, यावर वार्षिक २.५% व्याज देखील मिळते. दीर्घकाळात सोन्याची किंमत स्थिर असल्याने हे बॉन्ड्स आकर्षक मानले जातात. (नवीन किमतीत खरेदीसाठी स्टॉक एक्सचेंजचा पर्याय उपलब्ध आहे).

डाइवर्सिफाइड पोर्टफोलिओचे महत्त्वतज्ज्ञांच्या मते, आजच्या आर्थिक वातावरणात फक्त एफडीवर अवलंबून राहणे धोकादायक आहे. गुंतवणूकदारांनी बॉन्ड, सोने, कॉर्पोरेट डेट आणि इतर पर्यायांमध्ये संतुलन साधायला हवे. यामुळे परतावा वाढतो आणि गुंतवणुकीतील जोखीमही मोठ्या प्रमाणात कमी होते.

वाचा - गुंतवणूक दुप्पट करण्यासाठी श्रीमंत वापरतात 'हा' सिक्रेट फॉर्म्युला! काय आहे 'रूल ऑफ ७२'चे अचूक गणित

(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. शेअर बाजारातील गुंतवणूक जोखमीच्या अधीन असते. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)