भारताची सर्वात मोठी तेल आणि वायू शोधक कंपनी ऑईल अँड नॅचरल गॅस कॉर्पोरेशनने समुद्राच्या खोल पाण्यात उत्खनन करण्यासाठी एक भव्य प्रकल्प हाती घेतला आहे. या प्रकल्पासाठी कंपनीने २० अब्ज डॉलर्स (सुमारे १.६ लाख कोटी रुपये) मूल्याची जागतिक निविदा प्रसिद्ध केली आहे. भारताचे परकीय इंधनावरील अवलंबित्व कमी करण्याच्या दृष्टीने हे आतापर्यंतचे सर्वात मोठे पाऊल मानले जात आहे.
काय आहे हा महाप्रकल्प?हा प्रकल्प प्रामुख्याने भारताच्या पूर्व आणि पश्चिम किनारपट्टीवरील खोल समुद्रातील क्षेत्रांवर लक्ष केंद्रित करेल, जिथे कच्च्या तेलाचे आणि वायूचे मोठे साठे असण्याची शक्यता आहे. खोल समुद्रात ड्रिलिंग करणे अत्यंत कठीण आणि तांत्रिकदृष्ट्या आव्हानात्मक असते. यासाठी ओएनजीसी जागतिक स्तरावरील अनुभवी कंपन्यांची मदत घेणार आहे. सध्या भारत आपल्या गरजेच्या ८५% पेक्षा जास्त कच्चे तेल आयात करतो. या प्रकल्पामुळे देशांतर्गत उत्पादनात मोठी वाढ होऊन आयातीवरील खर्च कमी होईल.
जागतिक कंपन्यांची चढाओढ:या २० अब्ज डॉलर्सच्या निविदेमुळे जगातील बड्या तेल कंपन्यांचे लक्ष भारताकडे वेधले गेले आहे. यामध्ये तांत्रिक भागीदारी, ड्रिलिंग रिग्जचा पुरवठा आणि दीर्घकालीन सहकार्य यांचा समावेश असेल.
ऊर्जा सुरक्षेसाठी महत्त्वाचे:पंतप्रधान नरेंद्र मोदी यांनी नुकतेच लोकसभेत देशाच्या ऊर्जा सुरक्षेबाबत चिंता व्यक्त केली होती. त्या पार्श्वभूमीवर ओएनजीसीचा हा प्रकल्प अत्यंत महत्त्वाचा ठरणार आहे. जर हा प्रकल्प यशस्वी झाला, तर भारताला भविष्यात इंधनासाठी इतर देशांवर अवलंबून राहण्याची गरज भासणार नाही.
Web Summary : ONGC launches a $20 billion deep-sea drilling project to reduce India's dependence on foreign oil. The project targets oil and gas reserves off the east and west coasts, aiming to boost domestic production and enhance energy security.
Web Summary : ओएनजीसी ने भारत की विदेशी तेल पर निर्भरता कम करने के लिए 20 अरब डॉलर की गहरे समुद्र में ड्रिलिंग परियोजना शुरू की। परियोजना का लक्ष्य पूर्वी और पश्चिमी तटों से दूर तेल और गैस भंडार को बढ़ाना, घरेलू उत्पादन को बढ़ावा देना और ऊर्जा सुरक्षा बढ़ाना है।