mukesh ambani :रिलायन्स इंडस्ट्रीज लिमिटेडचे अध्यक्ष आणि व्यवस्थापकीय संचालक मुकेश अंबानी यांनी ईशान्य भारताच्या विकासासाठी एक मोठा आराखडा जाहीर केला आहे. शुक्रवारी 'इमर्जिंग नॉर्थ ईस्ट इन्व्हेस्टर्स समिट २०२५' मध्ये बोलताना त्यांनी सांगितले की, रिलायन्सने गेल्या ४० वर्षांत या प्रदेशात सुमारे ३०,००० कोटी रुपयांची गुंतवणूक केली आहे. आता, पुढील पाच वर्षांत ही गुंतवणूक दुप्पट करून ७५,००० कोटी रुपयांचे लक्ष्य ठेवण्यात आले आहे. या महाकाय गुंतवणुकीमुळे २५ लाखांहून अधिक प्रत्यक्ष आणि अप्रत्यक्ष रोजगाराच्या संधी निर्माण होतील, असा विश्वास अंबानींनी व्यक्त केला.
डिजिटल क्रांती आणि कृषी विकासअंबानींनी नमूद केले की, जिओने आधीच ईशान्येकडील ९०% लोकसंख्येला ५जी (5G) नेटवर्कने जोडले आहे आणि ५० लाखांहून अधिक ५जी ग्राहक आहेत. यावर्षी ही संख्या दुप्पट करण्याचे जिओचे उद्दिष्ट आहे. "सर्व शाळा, रुग्णालये, उद्योग आणि घरांमध्ये कृत्रिम बुद्धिमत्तेची क्रांतीकारक शक्ती आणणे हे जिओचे प्राधान्य असेल," असे ते म्हणाले. याव्यतिरिक्त, शेतकऱ्यांचे उत्पन्न वाढवण्यासाठी रिलायन्स रिटेल (Reliance Retail) मुख्य अन्नपदार्थ, फळे आणि भाज्यांच्या खरेदीत लक्षणीय वाढ करेल. यामुळे स्थानिक शेतकऱ्यांना थेट फायदा मिळेल.
सौरऊर्जा आणि 'कचऱ्यातून संपत्ती' योजनारिलायन्स या प्रदेशात उच्च-गुणवत्तेच्या एफएमसीजी (FMCG) उत्पादनांसाठी कारखान्यांमध्ये गुंतवणूक करेल आणि स्थानिक कारागीर अर्थव्यवस्थेला चालना देईल. सर्वात महत्त्वाचे म्हणजे, कंपनी या प्रदेशात सौरऊर्जेचे उत्पादन मोठ्या प्रमाणात वाढवेल. पंतप्रधानांच्या 'कचऱ्यातून संपत्ती' (Waste to Wealth) या संकल्पनेनुसार, रिलायन्स ३५० एकात्मिक संकुचित बायोगॅस संयंत्रे उभारून या प्रदेशातील ओसाड जमिनींना संपत्तीच्या भूमीत रूपांतरित करणार असल्याचे त्यांनी सांगितले.
आरोग्यसेवा आणि क्रीडा क्षेत्रातही योगदानमुकेश अंबानींनी सांगितले की, रिलायन्स फाउंडेशन ईशान्येकडील सर्वोत्तम कर्करोग उपचार प्रदान करेल. त्यांनी माहिती दिली की, मणिपूरमध्ये १५० खाटांचे व्यापक कर्करोग रुग्णालय स्थापन केले आहे. तसेच, मिझोरम विद्यापीठासोबत जीनोमिक डेटा वापरून स्तनाच्या कर्करोगाच्या काळजीसाठी सहकार्य करत आहेत. गुवाहाटीमध्ये, एक प्रगत आण्विक निदान आणि संशोधन प्रयोगशाळा स्थापन केली आहे, जी भारतातील सर्वात मोठ्या जीनोम सिक्वेन्सिंग क्षमतांपैकी एक असेल. यामुळे ईशान्येला आरोग्यसेवा केंद्र आणि संशोधन केंद्रात रूपांतरित होण्यास मदत मिळेल.
वाचा - शेअर मार्केटमध्ये पैसे बुडाले? डिमॅट अकाउंट कायमचं कसं बंद करायचं? 'ही' आहे सोपी पद्धत
क्रीडा क्षेत्रातही रिलायन्सने पुढाकार घेतला आहे. अंबानी म्हणाले की, ईशान्य प्रदेश हा अनेक खेळांमधील जागतिक दर्जाच्या प्रतिभेचा खजिना आहे. रिलायन्स फाउंडेशन आठही राज्यांच्या सहकार्याने ऑलिंपिक प्रशिक्षण केंद्रे स्थापन करेल, ज्यामुळे या भागातील तरुणांना भविष्यात ऑलिंपिकमध्ये पदके जिंकण्यासाठी तयार केले जाईल.