Mukesh Ambani : रिलायन्सजिओने २०१६ मध्ये भारतीय टेलिकॉम उद्योगात क्रांती घडवून आणली, पण या निर्णयाला ज्येष्ठ उद्योगपती मुकेश अंबानी यांनी त्यांच्या आयुष्यातील “सर्वात मोठा धोका” म्हटले आहे. एका मोठ्या व्यवस्थापन सल्लागार कंपनीला दिलेल्या मुलाखतीत, आशियातील सर्वात श्रीमंत व्यक्ती असलेल्या मुकेश अंबानींनी सांगितले की, जेव्हा रिलायन्स इंडस्ट्रीजने ४जी मोबाईल नेटवर्क लाँच करण्यासाठी अब्जावधी डॉलर्सची गुंतवणूक केली, तेव्हा अनेक तज्ञांनी हे आर्थिक अपयश ठरू शकते, अशी भीती व्यक्त केली होती. त्यांच्या मते, भारत इतक्या प्रगत डिजिटल तंत्रज्ञानासाठी तयार नव्हता.
जिओ’ म्हणजे सर्वात मोठे परोपकारी काम?मुकेश अंबानींनी या मुलाखतीत सांगितले की, त्यांनी त्यांच्या बोर्डला स्पष्ट केले होते की, “जिओची सर्वात वाईट परिस्थिती अशी असेल की आम्हाला जास्त परतावा मिळणार नाही. पण तरीही ते ठीक आहे, कारण ते आमचे स्वतःचे पैसे आहेत आणि रिलायन्ससाठी, हे भारतातील आतापर्यंतचे आमचे सर्वात मोठे परोपकारी काम असेल.” त्यांचे म्हणणे होते की, भारताचे डिजिटलायझेशन करून आपण देशाला पूर्णपणे बदलून टाकू.
२०१६ मध्ये लाँच झाल्यापासून, जिओने मोफत व्हॉइस कॉल आणि अत्यंत कमी किमतीचा डेटा देऊन भारतीय दूरसंचार उद्योगात खऱ्या अर्थाने क्रांती घडवली. यामुळे इतर कंपन्यांनाही आपल्या किंमती कमी करण्यास भाग पाडले, ज्यामुळे देशभरात जलद डिजिटल स्वीकारायला सुरुवात झाली.
इंटरनेट स्वस्त झाले, देशात डिजिटल क्रांती आलीजिओच्या आगमनापूर्वी भारतात मोबाईल इंटरनेट खूप महाग होते आणि मोठ्या लोकसंख्येला ते परवडणारे नव्हते. जिओने डेटाच्या किंमती इतक्या खाली आणल्या की ग्रामीण भागातील लोकांसाठीही इंटरनेट वापरणे परवडणारे झाले. यामुळे कोट्यवधी भारतीयांना इंटरनेटचा वापर करता आला, आणि इंटरनेटची पोहोच प्रचंड वाढली.
आज भारतात ८० कोटींहून अधिक इंटरनेट वापरकर्ते आहेत, ज्यामुळे भारत जगातील सर्वात मोठ्या ऑनलाइन बाजारपेठांपैकी एक बनला आहे. जिओमुळे आलेल्या परवडणाऱ्या डेटामुळे डिजिटल दरी कमी होण्यास मदत झाली, ज्यामुळे ई-कॉमर्स, वित्तीय तंत्रज्ञान (फिनटेक), शिक्षण तंत्रज्ञान (एडटेक) आणि मनोरंजनासारख्या डिजिटल सेवांना मोठी चालना मिळाली.
रिलायन्सची जोखीम घेण्याची परंपरारिलायन्स इंडस्ट्रीज लिमिटेडचे अध्यक्ष आणि व्यवस्थापकीय संचालक म्हणून मुकेश अंबानी म्हणाले, “आम्ही नेहमीच मोठे धोके पत्करले आहेत, कारण आमच्यासाठी प्रमाण (महत्त्वाचे आहे.” ते म्हणाले की, जिओ हा त्यांनी आतापर्यंत घेतलेला सर्वात मोठा धोका होता. तेव्हा ते स्वतःचे पैसे गुंतवत होते आणि ते स्वतःच सर्वात मोठे शेअरहोल्डर होते.
वाचा - एमबीए, नोकरी, मग संन्यास... पण, नशिबाने पुन्हा आणले संसारात; तरुणाने उभं केलं १२५ कोटींचं साम्राज्य!
आज जिओकडे ४७ कोटींहून अधिक ग्राहक आहेत आणि ती देशातील सर्वात मोठी टेलिकॉम ऑपरेटर बनली आहे. ५जी, क्लाउड आणि एआय सेवांमध्येही तिची उपस्थिती वाढत आहे. अंबानींच्या मते, “शेवटी, तुम्ही या जगात रिकाम्या हाताने येता आणि रिकाम्या हातानेच निघून जाता. तुम्ही जे मागे सोडता, ती एक संस्था असते.”