Mazagon Dock Shipbuilders Ltd Share Split : डिफेन्स कंपनी माझगाव डॉक शिपबिल्डर्स लिमिटेडचे शेअर्स आता स्प्लिट होणार आहेत. कंपनीचे शेअर्स दोन भागांमध्ये विभागले जातील. यानंतर कंपनीच्या शेअर्सची फेस व्हॅल्यू ५ रुपयांपर्यंत खाली येईल. माझगाव डॉक शिपबिल्डर्सनं या स्टॉक स्प्लिटसाठी विक्रमी रेकॉर्ड डेटही जाहीर केली आहे. याची रेकॉर्ड डेट याच महिन्यात आहे.
मल्टीबॅगर परतावा देणाऱ्या कंपनीनं शेअर बाजाराला दिलेल्या माहितीनुसार १० रुपये फेस व्हॅल्यू असलेला शेअर २ भागांमध्ये विभागला जाईल. या विभाजनानंतर कंपनीच्या शेअर्सची फेस व्हॅल्यू प्रति शेअर २ रुपयांपर्यंत खाली येईल. माझगाव डॉक शिपबिल्डर्सनं २७ डिसेंबर २०२४ ची विक्रमी तारीख निश्चित केली आहे. म्हणजेच या दिवशी कंपनीच्या शेअर्स स्प्लिट केले जाणार आहेत.
अनेकदा दिलाय लाभांश
यावर्षी ३० ऑक्टोबर रोजी कंपनीचा एक्स-डिव्हिडंड स्टॉक म्हणून व्यवहार करण्यात आला होता. त्यानंतर कंपनीनं पात्र गुंतवणूकदारांना प्रति शेअर २३.१९ रुपये लाभांश दिला. तर यावर्षी सप्टेंबर महिन्यात माझगाव डॉक शिपबिल्डर्स लिमिटेडनं एक्स-डिव्हिडंड ट्रेड केला होता. त्यानंतर कंपनीने पात्र गुंतवणूकदारांना १२.११ रुपयांचा लाभांश दिला होता.
मिळाला दमदार परतावा
माझगाव डॉक शिपबिल्डर्सच्या (एमडीजी) शेअरच्या किमतीत गेल्या दोन महिन्यांत २० टक्क्यांहून अधिक वाढ झाली आहे. तर ६ महिन्यांपासून शेअर ठेवणाऱ्या गुंतवणूकदारांना आतापर्यंत ५३ टक्के नफा मिळालाय. २०२४ मध्ये माझगाव डॉकनं ११५ टक्के परतावा दिलाय. कंपनीच्या शेअरची किंमत २ वर्षात ४५७.९५ टक्के आणि ३ वर्षात १७३६ टक्क्यांनी वाढली आहे.
(टीप - यामध्ये केवळ शेअरच्या कामगिरीविषयी माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)