Stock Market News : देशांतर्गत शेअर बाजारात आज निफ्टीच्या साप्ताहिक एक्स्पायरीवर बाजारातील घसरण वाढत असल्याचे दिसून आले. बाजार दिवसाच्या नीचांकी पातळीवर घसरुन बंद होताना दिसले. निफ्टी ९३ अंकांनी घसरून २४,५४८ वर बंद झाला. सेन्सेक्स २३६ अंकांनी घसरून ८१,२८९ वर बंद झाला आणि निफ्टी १७४ अंकांनी घसरून ५३,२१६ वर बंद झाला. निफ्टीवर, आयटी आणि मेटल इंडेक्स वगळता, सर्व क्षेत्रीय निर्देशांक लाल रंगात बंद झाले.
या शेअर्समध्ये चढउतारएफएमसीजी, ऑटो, ऑइल अँड गॅस, मीडिया, पीएसयू बँक, रियल्टी या शेअर्समध्ये सर्वाधिक घसरण दिसून आली. त्याचवेळी, मिडकॅप आणि स्मॉलकॅप निर्देशांकातील १४ दिवसांची वाढ संपत असल्याचे दिसत होते. दोन्ही निर्देशांक घसरणीसह बंद झाले. चलन बाजारात, रुपया ३ पैशांनी कमजोर झाला आणि ८४.८६ डॉलरवर बंद झाला.
निफ्टीच्या सर्वाधिका घसरणाऱ्या शेअर्समध्ये NTPC - २.७२%, Hul -२.४४%, Hero Motocorp २.२३%, Tata Consumer १.८८% यांचा समावेश होता. याशिवाय नाल्को -७.६%, अलेम्बिक फार्मा ५%, ज्युबिलंट फूडवर्क्स ५% आणि गो डिजिट जनरल इन्शुरन्स ५% घसरले. त्याचवेळी, अदानी एंटरप्रायझेस २%, भारती एअरटेल १.६४%, टेक महिंद्रा १.४६% आणि इंडसइंड बँक १.३८% वाढीसह बंद झाले.
बेंचमार्क निर्देशांक सकाळी घसरणीसह उघडले. यानंतर, तीव्र चढउतार दिसून आले. मागील बंदच्या तुलनेत सेन्सेक्स ५० अंकांनी घसरून ८१,४७६ वर उघडला. निफ्टी ३७ अंकांनी घसरून २४,६०४ वर तर बँक निफ्टी १९० अंकांनी घसरून ५३,२०१ वर उघडला. उघडल्यानंतर रिकव्हरी झाली, पण दुपारी १२ नंतर सेन्सेक्स-निफ्टीमध्ये ३०० अंकांची आणि निफ्टीमध्ये ५० अंकांची मोठी घसरण झाली. बँक निफ्टीही जवळपास ३०० अंकांनी घसरला होता. आज स्मॉलकॅप आणि मिडकॅप निर्देशांकही तोट्यात गेले.