घर बांधणे महागले! युद्धामुळे लोखंडी सळ्या अन् सिमेंटच्या किंमतीत मोठी वाढ

मध्य पूर्वेतील युद्धामुळे पुरवठा साखळीत निर्माण झालेल्या व्यत्ययांमुळे तेल आणि वायूचे संकट अधिकच गंभीर झाले असून, अनेक वस्तूंच्या किमतीही वाढल्या आहेत. आता लोखंडी सळ्या आणि सिमेंटच्या किंमतीही वाढल्या आहेत.

मागील काही दिवसांपासून मध्य पूर्वेत मोठा तणाव सुरू आहे. इस्त्रायल आणि अमेरिकेने इराणवर हल्ले सुरू केले असून या हल्ल्यात इराणचे मोठे नुकसान झाला. या हल्ल्याला इराणनेही जोरदार प्रत्युत्तर दिले आहे, इराणने 'स्ट्रेट ऑफ होर्मुझ' यामुळे जगभरात क्रूड ऑईल आणि गॅसचा तुटवडा जाणवला. तर अनेक देशांमध्ये महागाई वाढली आहे. या युद्धामुळे घर बांधणेही महागले आहे. 

पगारदारांनो लक्ष द्या! १ एप्रिलपासून 'फॉर्म १६' बंद; करदात्यांसाठी येणार 'फॉर्म १३०', फायदे-तोटे समजून घ्या

घरबांधणीच्या खर्चात महत्त्वाची भूमिका बजावणाऱ्या सळईच्या किमतीत काही दिवसापूर्वी घट झाली होती. आता सळईच्या किमतीत सातत्याने वाढ होत आहे. मार्च महिन्यात अनेक प्रमुख शहरांमध्ये सळईच्या किमतीत मोठी वाढ दिसून आली आहे.

किमतीत अचानक वाढ

गेल्या काही महिन्यांत सळईच्या किमतीत लक्षणीय घट झाली होती, पण मार्च महिन्यात त्यात सातत्याने वाढ झाली आहे. जर तुम्ही घर बांधण्याचा प्लान करत असाल, तर आता याच्या किंमती जाणून घेणे गरजेचे आहे. सळई हे घराच्या मजबुतीसाठी एक महत्त्वाचे बांधकाम साहित्य असले तरी, त्याच्या किमतीतील चढ-उतारांचा थेट परिणाम बांधकाम खर्चावरही होतो. त्याच्या किमतीत घट झाल्याने घर बांधणीचा खर्च कमी होतो, तर सळईच्या किमतीत वाढ झाल्याने बांधकाम खर्च वाढतो.

मध्य पूर्वेतील युद्धामुळे तेल आणि वायूचा तुटवडा तसेच पुरवठा साखळीतील व्यत्ययांचा परिणाम या क्षेत्रावर जाणवत आहे. घरबांधणीमध्ये वापरले जाणारे पोलाद आणि सिमेंट हे दोन्ही ऊर्जा-केंद्रित क्षेत्र आहेत आणि कोणत्याही व्यत्ययामुळे त्यांच्यावर परिणाम होऊ शकतो. ९ फेब्रुवारीच्या तुलनेत, सध्याच्या लोखंडाच्या दरात प्रति मेट्रिक टन ४,००० रुपयांपेक्षा जास्त वाढ झाली आहे.

सळईच्या किमती दररोज बदलतात आणि तुम्ही तुमच्या शहरातील नवीन किमती घरबसल्या सहज तपासू शकता. यासाठी, नवीन TMT सळई  दरांच्या अद्यतनांविषयी संपूर्ण माहितीसाठी आयर्नमार्ट वेबसाइटला (ayronmart.com) भेट द्या. या किंमतीमध्ये जीएसटी पकडलेला नाही.