boAt Leadership Change : देशातील आघाडीची ग्राहक इलेक्ट्रॉनिक्स कंपनी बोटची मूळ कंपनी इमॅजिन मार्केटिंग लिमिटेडमध्ये मोठी खांदेपालट झाली आहे. कंपनीच्या संचालक मंडळाने गौरव नय्यर यांची नवे मुख्य कार्यकारी अधिकारी (CEO) म्हणून नियुक्ती केली आहे. नय्यर, हे गेल्या तीन वर्षांपासून कंपनीचे सीओओ म्हणून कार्यरत होते. या बदलामुळे नय्यर यांच्या पॅकेजमध्येही मोठी वाढ झाली आहे.
कोण आहेत नवे CEO गौरव नय्यर?गौरव नय्यर हे चार्टर्ड अकाउंटंट आहेत. कंपनीसोबत काम करण्याचा त्यांना प्रदीर्घ अनुभव आहे.शिक्षण आणि अनुभव: नय्यर हे दिल्लीतील श्री राम कॉलेज ऑफ कॉमर्स आणि इंडियन स्कूल ऑफ बिझनेसचे माजी विद्यार्थी आहेत. boAt मध्ये येण्यापूर्वी त्यांनी बेन अँड कंपनी आणि केपीएमजी सारख्या प्रतिष्ठित संस्थांमध्ये काम केले आहे.भविष्यातील योजना: त्यांच्या नेतृत्वाखाली boAt बाजारातील आपले नेतृत्व अधिक मजबूत करण्यासोबतच उत्पादन श्रेणी वाढवण्याचे लक्ष्य ठेवणार आहे.
अमन गुप्ता यांच्या जबाबदारीत बदलकंपनीच्या नेतृत्वात झालेल्या या बदलांमुळे दोन्ही संस्थापकांनी नवीन भूमिका स्वीकारल्या आहेत, ज्यामुळे ब्रँडची दृष्टी आणि सातत्य राखले जाईल.सह-संस्थापक आणि मुख्य विपणन अधिकारी (CMO) असलेले अमन गुप्ता आता कंपनीच्या संचालक मंडळाचे 'गैर-कार्यकारी संचालक' म्हणून भूमिका सांभाळतील. यामुळे त्यांना ब्रँडची दृष्टी आणि रणनीती कायम ठेवून व्यवसायाच्या इतर पैलूंवर लक्ष केंद्रित करता येईल.तर सह-संस्थापक आणि सध्याचे CEO समीर मेहता 'कार्यकारी संचालक' म्हणून पदभार स्वीकारतील. ते कंपनीच्या दीर्घकालीन धोरणांवर लक्ष केंद्रित करतील आणि नय्यर यांना त्यांच्या नवीन भूमिकेत पाठिंबा देतील.
गुप्ता यांनी मेहतांच्या नेतृत्वाची प्रशंसा केली, "जेव्हा समीर आणि मी boAt सुरू केले, तेव्हा आमची महत्त्वाकांक्षा मोठी होती आणि आजपर्यंतचा प्रवास अपेक्षेपेक्षा जास्त यशस्वी झाला आहे. गौरव नय्यर कंपनीची सूत्रे हाती घेत असल्याने मी उत्साहित आहे," असे गुप्ता म्हणाले.
वाचा - ITR चुकला? घाबरू नका, 'या' तारखेपर्यंत भरा बिलिटेड रिटर्न; पण, इतका दंड आणि व्याज भरावे लागणार
नव्या CEO च्या पगाराची चर्चा
- गौरव नय्यर यांच्या नवीन पगाराची माहिती अद्याप सार्वजनिक झालेली नाही. मात्र, यापूर्वी boAt च्या कार्यकारी अधिकाऱ्यांचा पगार चर्चेत आला होता. एका मागील फाइलिंगनुसार, बोटचे तत्कालीन सीईओ विवेक गंभीर यांना FY2022 च्या पहिल्या सहा महिन्यांसाठी १.२ कोटी रुपये वेतन मिळाले होते.
- एका रिपोर्टनुसार, बोटचे सह-संस्थापक समीर मेहता आणि अमन गुप्ता यांच्या वेतनातही लक्षणीय घट झाली आहे. त्यांचे वेतन FY2019 मधील ६ कोटींवरून FY2022 च्या पहिल्या सहामाहीत ५० लाखांपर्यंत (९१% घट) आले होते.
- २०१६ मध्ये अमन गुप्ता आणि समीर मेहता यांनी सुरू केलेला बोट, आज परवडणाऱ्या आणि स्टायलिश ऑडिओ ॲक्सेसरीजसाठी ओळखला जातो.
Web Summary : boAt's parent company, Imagine Marketing, appoints Gaurav Nayyar as CEO. Previously COO, Nayyar succeeds Samir Mehta. Founders shift roles: Gupta becomes non-executive director, Mehta an executive director. Nayyar's package is undisclosed, while past executive salaries saw significant fluctuations. The company aims for market leadership and category expansion.
Web Summary : boAt की मूल कंपनी, इमेजिन मार्केटिंग ने गौरव नय्यर को सीईओ नियुक्त किया। पूर्व सीओओ, नय्यर समीर मेहता की जगह लेंगे। संस्थापकों की भूमिकाएँ बदलीं: गुप्ता गैर-कार्यकारी निदेशक बने, मेहता कार्यकारी निदेशक। नय्यर का पैकेज अज्ञात है, जबकि पिछले कार्यकारी वेतन में काफी उतार-चढ़ाव देखा गया। कंपनी का लक्ष्य बाजार नेतृत्व और श्रेणी विस्तार है।