SBI Research Report : सोने हा भारतीयांचा कायम जिव्हाळ्याचा विषय राहिला आहे. पण, भारतीयांनी आता सोन्याकडे बघण्याचा दृष्टीकोन बदलला पाहिजे, त्यासाठी सरकराने व्यापक 'दीर्घकालीन सुवर्ण धोरण' आखावे अशी मागणी देशातील सर्वात मोठी बँक असलेल्या स्टेट बँक ऑफ इंडियाने केली आहे. बँकेच्या रिसर्च विभागाने नुकताच एक अहवाल प्रसिद्ध केला. यामध्ये भारताने सोन्याला अर्थव्यवस्थेत केवळ एक 'कमोडिटी' (वस्तू) मानावे की 'मनी' (मुद्रा) हे स्पष्ट करण्याची गरज व्यक्त केली आहे.
गोल्ड पॉलिसीची गरज का आहे?एसबीआयचे ग्रुप चीफ इकॉनॉमिक ॲडव्हायजर सौम्य कांती घोष यांनी हा अहवाल तयार केला आहे. त्यांच्या मते, भारतात सोन्याचे सांस्कृतिक, आर्थिक आणि गुंतवणुकीचे महत्त्व अत्यंत खोल आहे. त्यामुळे आता एक स्पष्ट आणि दूरदृष्टी असलेले धोरण तयार करणे आवश्यक आहे. घोष यांच्या म्हणण्यानुसार, भारतात सोन्याकडे केवळ दागिने किंवा बचतीचे साधन म्हणून न पाहता, त्याला आर्थिक सुधारणांशी जोडून आणि गोल्ड मॉनेटायझेशनला प्रोत्साहन देऊन अर्थव्यवस्थेचा सक्रिय भाग बनवले पाहिजे.
एशियाई देशांमध्ये 'खासगी मालमत्ता'पश्चिमी देशांमध्ये सोने बहुतेक सार्वजनिक मालमत्ता म्हणून पाहिले जाते. याउलट, भारत, चीन, जपान आणि कोरियासारख्या एशियाई देशांमध्ये सोने आजही घरांमध्ये खासगी मालमत्ता म्हणून सुरक्षित ठेवले जाते. याच कारणामुळे आजही एशियाई कुटुंबे सोन्याचे 'नेट खरेदीदार' आहेत, तर पश्चिमी देशांमध्ये गुंतवणुकीचे स्वरूप बदलले आहे.
पेंशन फंडातही सोन्याचा विचारपेंशन फंड नियामक आणि विकास प्राधिकरण पेंशन फंडांमध्ये सोने आणि चांदीचा समावेश करण्यावर विचार करत असल्याचा संकेतही या अहवालात देण्यात आला आहे. एसबीआय रिसर्चचे मत आहे की, असे पाऊल उचलल्यास दीर्घकालीन बचतीला बळ मिळेल आणि भारताच्या भांडवली खाते परिवर्तनीयतेच्या दिशेने हे एक महत्त्वाचे पाऊल ठरू शकते.
सोने ५० टक्क्यांहून अधिक महाग
- सोन्याच्या वाढत्या किमतींमुळे गुंतवणुकीचा ओघ वाढला आहे. गोल्ड एक्सचेंज-ट्रेडेड फंडांमध्ये एप्रिल ते सप्टेंबर FY25 दरम्यान गुंतवणूक २.७ पटीने वाढली, तर FY26 च्या याच काळात २.६ पटीने वाढली आहे.
- सप्टेंबर २०२५ पर्यंत गोल्ड ETF अंतर्गत निव्वळ व्यवस्थापन मालमत्ता वार्षिक आधारावर १६५% वाढून ९०१.३६ अब्ज रुपयांपर्यंत पोहोचली आहे.
- या वर्षात (२०२५) आतापर्यंत सोन्याच्या किमतीत ५० टक्क्यांहून अधिक वाढ नोंदवली गेली आहे. भू-राजकीय तणाव, आर्थिक अनिश्चितता आणि कमकुवत अमेरिकन डॉलर यामुळे सोन्याची मागणी सातत्याने वाढत आहे.
Web Summary : SBI urges a long-term gold policy, viewing gold as more than just a commodity. It suggests integrating gold into economic reforms and pension funds to boost long-term savings amid rising gold prices and investment inflows.
Web Summary : एसबीआई ने दीर्घकालिक स्वर्ण नीति का आग्रह किया, सोने को सिर्फ एक वस्तु से अधिक माना। यह सोने को आर्थिक सुधारों और पेंशन फंडों में एकीकृत करने का सुझाव देता है ताकि बढ़ती सोने की कीमतों और निवेश प्रवाह के बीच दीर्घकालिक बचत को बढ़ावा दिया जा सके।