Ram Mandir Latest News | Ram Mandir Inaugration Live Updates in Marathi | Ayodhya Ramlalla Pran Pratishtha | राम मंदिर अयोध्या | राम मंदिर अयोध्या प्राणप्रतिष्ठा

पश्चिम बंगाल सरकारने लोकसभा निवडणुकीपूर्वी मोठा निर्णय घेतला आहे. पश्चिम बंगालमध्ये पहिल्यांदाच रामनवमीला सार्वजनिक सुट्टीची घोषणा करण्यात आली आहे, देशात काही दिवसातच लोकसभा निवडणुकीची घोषणा होणार असून सर्व पक्षांनी जोरदार तयारी सुरू केली आहे. या पार्श्वभूमीवर पश्चिम बंगाल सरकारने हा निर्णय घेतला आहे. या वर्षी रामनवमी १७ एप्रिल रोजी रामनवमी आहे.गेल्या काही दिवसापूर्वी पश्चिम बंगालमध्ये रामनवमीच्या काळात हिंसाचाराच्या घटना घडल्या आहेत. या हिंसक घटनांसाठी भाजपने थेट ममता बॅनर्जी यांच्या सरकारला जबाबदार धरले. तसेच ममता बॅनर्जी यांच्यावर तुष्टीकरणाचे राजकारण केल्याचा आरोप करण्यात आला आहे. गेल्या वर्षी रामनवमीच्या वेळीही हिंसाचार झाला होता.पंतप्रधान १३ मार्चला उरकणार राज्यांचा दौरा; पुढील आठवड्यात फुंकणार लोकसभेचा बिगुलपश्चिम बंगाल सरकारच्या या घोषणेवर भाजपने जोरदार प्रत्युत्तर दिले आहे. आयटी सेलचे प्रमुख अमित मालवीय म्हणाले, “ममता बॅनर्जी प्रत्येक वेळी ‘जय श्री राम’ ऐकल्या की रागाने लाल व्हायच्या. त्यांनी पश्चिम बंगालमध्ये राम नवमीला सार्वजनिक सुट्टी जाहीर केली आहे. आपली हिंदूविरोधी प्रतिमा बदलण्यासाठी त्यांनी हे केले आहे. मात्र, आता खूप उशीर झाला आहे. विशेष म्हणजे रामनवमीच्या मिरवणुकीत दगडफेक होणार नाही याची काळजी त्यांना घ्यावी लागणार आहे. जय श्री राम!, असं त्यांनी म्हटले आहे. तृणमूल काँग्रेस आज रविवारी कोलकाता येथील प्रसिद्ध ब्रिगेड परेड ग्राउंडवर एक मोठी रॅली काढणार आहे. या रॅलीने TMC लोकसभा निवडणुकीच्या प्रचाराला सुरुवात करणार आहे. या रॅलीला 'जन गर्जन सभा' असे नाव देण्यात आले आहे. ममता बॅनर्जी या प्लॅटफॉर्मचा वापर आगामी निवडणुकांचा अजेंडा ठरवण्यासाठी करू शकतात. टीएमसीचे राष्ट्रीय सरचिटणीस अभिषेक बॅनर्जीही या रॅलीला संबोधित करू शकतात.रॅलीपूर्वी शनिवारी संध्याकाळी अभिषेक बॅनर्जी यांनी स्वतः सभास्थळाची पाहणी केली. या रॅलीआधी राज्य सरकाने सार्वजनिक सुट्टीची घोषणा केली आहे.

"तेली का बेटा..."! PM मोदींवरील 'ते' वक्तव्य ममतांना महागात पडणार, सुवेंदू अधिकारी यांनी OBC मुद्दा तापवला

अयोध्येत रामनवमीची तयारी; राम मंदिर २४ तास खुले राहणार, १५ लाख भाविक रामलला दर्शनाला येणार?

अयोध्येतील राम मंदिर परिसरात तैनात जवानावर गोळीबार; गंभीर जखमी

रामलल्ला रंगले होळीच्या रंगात, अयोध्येत होलिकोत्सव साजरा

उर्वशी रौतेलाने अयोध्येत रामललाचं घेतलं दर्शन, लवकरच राजकारणात एन्ट्री?

प्रियांका चोप्राचा देसी थाट- बघा किती महागडी साडी! नवरा आणि लेकीसह गेली अयोध्येला

लेक मालतीसह प्रियांका चोप्रा अयोध्येत, निक जोनसनेही घेतले रामललाचे दर्शन

रामनवमीसाठी अयोध्या सज्ज; रामलला दर्शनाला भाविकांचा महासागर लोटणार, तयारीला वेग

Pune: लालपरी घडविणार भाविकांची अयोध्या यात्रा; २४ एप्रिलला धावणार पहिली गाडी

कल्पनातीत सुंदर अयोध्यानगरीच्या दर्शनाने ब्रह्मानंद

अयोध्येत मंदिर उभं राहताच नास्तिक सरकारचीही देवाकडे धाव, आता मंदिरात ताक वाटायला केली सुरुवात!

पश्चिम बंगालमध्ये रामनवमीला पहिल्यांदाच सुट्टी जाहीर, भाजप म्हणाले, 'खूप उशीर झाला...'