Nashik Dam Storage : आज ०४ ऑगस्टपर्यंत नाशिक जिल्ह्यातील २६ प्रकल्पांमध्ये एकूण ८२.२२ जलसाठा जमा झाला आहे. मागील वर्षी या दिवशी हा जलसाठा केवळ ४७.०४ टक्के इतका होता. आजमितीस गंगापूर धरणात ८१.५३ जलसाठा जमा झाला आहे. मागील वर्षी या दिवशी गंगापूर धरणात ८०.७१ टक्के जलसाठा होता.
नाशिक जिल्ह्यातील एकूण २६ प्रकल्पांपैकी नऊ प्रकल्प १०० टक्के भरले असून यामध्ये कश्यपी, आळंदी, वाघाड, भावली, वालदेवी, नांदूरमध्यमेश्वर, भाम, हरणबारी आणि माणिकपुंज धरणाचा समावेश आहे.
तर इतर धरणांची टक्केवारी पाहता दारणा धरण ८६.७५ टक्के, मुकणे धरण ९५.३० टक्के, कडवा धरण ९०.५८ टक्के, वाकी धरण ८६.२८ टक्के तसेच गिरणा खोरे धरण समूहातील चणकापूर धरण ६९.४३ टक्के, केळझर धरण ७६.७५ टक्के, नागासाक्या धरण ४४.३३ टक्के, गिरणा धरण ६५.६८ टक्के भरले आहे.
गौतमी गोदावरी ९९.३६ टक्के, पालखेड धरण ६५.५४ टक्के, करंजवण धरण ८१.६६ टक्के, ओझरखेड धरण ९१.३१ टक्के, पुणेगाव धरण ७८.६५ टक्के, तिसगाव धरण ९६.९२ टक्के भरले आहे. सध्या पावसाने विश्रांती घेतल्याने अनेक धरणांमधून सुरु असलेला विसर्ग थांबविण्यात आला आहे.