राज्यात मिचाँग चक्रीवादळाचा परिणाम जाणवू लागला आहे. आज सकाळपासून राज्यात थंड वाऱ्यासह चांगलाच गारठा आहे. किमान तापमानात घसरण होताना दिसत आहे. अवकाळी पावसामुळे इतके दिवस वळचणीतले हातमोजे, स्वेटर, कानटोप्या आता बाहेर आल्या आहेत. किमान तापमान घसरले आहे.
दरम्यान, आज सकाळपासून राज्यात पुण्यासह नाशिक, सातारा, छत्रपती संभाजीनगर मध्ये ढगाळ वातावरण होते.काही ठिकाणी हलक्या सरींनीही हजेरी लावली.
मिचाँग चक्रीवादळ बंगालच्या उपसागरी धडकले आहे. आंध्र प्रदेश, केरळ किनारपट्टीला या चक्रीवादळाचा चांगलाच तडाखा बसला आहे. विदर्भात काल आणि आज जोरदार पावसाची शक्यता सांगण्यात आली होती. तर उर्वरित राज्यात ढगाळ वातावरणासह काही भागात हलक्या पावसाची शक्यताही वर्तवण्यात आली होती.
राज्यात तापमानाचा पारा घसरला
आज सकाळी अहमदनगर जिल्ह्यात किमान तापमान १८.५ अंश सेल्सियस एवढे होते तर जळगावात १७.२ अंशांची नोंद करण्यात आली. महाबळेश्वर येथे सर्वात कमी म्हणजे १५.२ अंशांची नोंद झाली.
| |
Station | Min Temp (oC) |
Ahmednagar | 18.5 |
Alibag | 20.1 |
Aurangabad | 19.2 |
Beed | 19.5 |
Dahanu | 21.2 |
Harnai | 25.0 |
Jalgaon | 17.2 |
Kolhapur | 20.0 |
Mahabaleshwar | 15.2 |
Malegaon | 19.0 |
Mumbai-Colaba | 24.2 |
Mumbai-Santacruz | 23.3 |
Nanded | 19.6 |
Nasik | 18.6 |
Osmanabad | 19.0 |
Panjim | 23.6 |
Parbhani | 19.0 |
Ratnagiri | 22.6 |
Sangli | 18.9 |
Satara | 19.4 |
Sholapur | 21.0 |
Udgir | 18.8 |