Krushi Salla : मराठवाड्यात १० ते १२ जुलैदरम्यान हलक्याच पावसाची शक्यता असून पेरणीयोग्य पाऊस अजून झाला नाही. त्यामुळे शेतकऱ्यांनी घाई न करता पेरणीयोग्य (७५–१०० मिमी) पावसाची वाट पाहावी, असे तज्ज्ञांनी सांगितले.(Krushi Salla)
दरम्यान, आधीच लागवड केलेल्या पिकांची काळजी घेण्यासाठी व गोगलगायी व किडींच्या नियंत्रणासाठी तज्ज्ञांनी महत्त्वाचे सल्ले दिले आहेत.(Krushi Salla)
हवामानाचा अंदाज व सारांश
प्रादेशिक हवामान केंद्र, मुंबई यांच्या अंदाजानुसार मराठवाड्यात १० जुलै रोजी काही ठिकाणी, तर ११ व १२ जुलै रोजी तुरळक ठिकाणी हलक्या स्वरूपाचा पाऊस होण्याची शक्यता आहे. पुढील ५ दिवसात कमाल व किमान तापमानात फारसा बदल होणार नाही.
११ ते १७ जुलैदरम्यान पाऊस, कमाल व किमान तापमान सरासरीएवढे राहण्याची शक्यता आहे. मराठवाड्यात जमिनीतील बाष्पोत्सर्जनाचा वेग वाढलेला आहे. पेरणी न झालेल्या शेतकऱ्यांनी ७५-१०० मिमी पाऊस झाल्यावरच पेरणी करावी.
पीक व्यवस्थापन सल्ला
कपाशी
उगवलेल्या कपाशी पिकात विरळणी करावी.
शंखी गोगलगायीसाठी मेटाल्डिहाईड (२ किलो/एकर) शेतात पसरावा.
रसशोषक किडी दिसल्यास ५% निंबोळी अर्क, किंवा ॲसिटामॅप्रिड २०% @ २ ग्रॅम/१० लिटर पाणी
फलोनिकॅमिड ५०% @ ६० ग्रॅम/एकर फवारणी करावी.
लागवड होऊन महिनाभर झाल्यास वरखत द्यावीत
कोरडवाहू कपाशी – ३६ किलो नत्र/हेक्टर
बागायती कपाशी – ६० किलो नत्र/हेक्टर
पेरणी झालेल्या तुरीत अंतरमशागत व तण नियंत्रण करावे.
पेरणी न झाल्यास पावसाची प्रतीक्षा करावी व बिजप्रक्रिया करून पेरणी करावी (१५ जुलैपर्यंत शक्य).
शंखी गोगलगायीसाठी मेटाल्डिहाईड पसरवा.
मूग/उडीद
अंतरमशागत करून तण नियंत्रण करावे.
शंखी गोगलगायीसाठी मेटाल्डिहाईड २ किलो प्रति एकर वापरावा.
भुईमूग
अंतरमशागत व तण नियंत्रण करावे.
शंखी गोगलगायीसाठी मेटाल्डिहाईड वापरावा.
मका
उगवलेल्या मक्यात विरळणी, नांग्या भरणे व अंतरमशागत करावी.
शंखी गोगलगायीसाठी मेटाल्डिहाईड वापरावा.
ऊस
पांढरी माशी आढळल्यास
जैविक उपाय : लिकॅनीसिलियम लिकॅनी ४० ग्रॅम/१० लिटर पाणी
रासायनिक : क्लोरोपायरीफॉस २०% (३० मिली) किंवा इमिडाक्लोप्रिड १७.८% (३ मिली) किंवा ॲसीफेट ७५% (२० ग्रॅम)/१० लिटर पाणी फवारणी करावी.
इमिडाक्लोप्रिड सोबत २% युरिया मिसळून फवारणी करावी.
फळबाग व्यवस्थापन
केळी
लागवडीनंतर ३० दिवसांनी ५० ग्रॅम नत्र व २०० ग्रॅम स्फुरद प्रति झाड द्या.
शंखी गोगलगायीसाठी मेटाल्डिहाईड पसरवा.
आंबा
१०-१५ वर्षे वयाच्या झाडांना ५००:५००:५०० ग्रॅम नत्र, स्फुरद, पालाश व ५० किलो शेणखत प्रति झाड द्या.
द्राक्ष
रोगट पाने काढा, बगल फुटी काढा, वेलींना बांधणी द्या.
मेटाल्डिहाईड वापरून शंखी गोगलगायीचे नियंत्रण करा.
सिताफळ
तण नियंत्रण करा व मेटाल्डिहाईड पसरवा.
भाजीपाला व फुलशेती
* गादीवाफा/लागवड केलेल्या पिकांची पुर्नलागवड जमिनीत ओलावा पाहून करावी.
* बी लावणाऱ्या भाज्यांची (भेंडी, कारले, भोपळा आदी.) लागवड करावी.
* काढणीस तयार पिकांची काढणी घ्या.
* मेटाल्डिहाईड वापरून शंखी गोगलगायी नियंत्रण करा.
पशुधन व्यवस्थापन
* गोठा स्वच्छ, कोरडा ठेवा.
* पाणी साचू देऊ नका, दर १५ दिवसांनी पोटॅशियम परमॅंगनेट द्रावणाने निर्जंतुकीकरण करा.
* माश्या, डास कमी ठेवण्यासाठी खबरदारी घ्या.
सूचना : पावसाचा जोर लक्षात घेऊन कामे वेळेत पूर्ण करा. पेरणीयोग्य पाऊस (७५–१०० मिमी) न झाल्यास थांबा.
(सौजन्य : मुख्य प्रकल्प समन्वयक, ग्रामीण कृषि मौसम सेवा, वसंतराव नाईक मराठवाडा कृषि विद्यापीठ, परभणी)