Draksh Karpa : ढगांमुळे तापमानात त्वरित घट होऊन आद्रतेत वाढ होते. वातावरणातील (Climate Change) अशा अचानक बदलांमुळे द्राक्ष बागेत (Grape Farm) प्रामुख्याने बुरशीजन्य करपा (अॅन्ट्रॅक्नोज) आणि जीवाणूजन्य करपा (बॅक्टरीअल ब्लाईट किंवा बॅक्टरीअल लीफ स्पॉट) या रोगांचा प्रादुर्भाव होण्याची शक्यता वाढते.
बुरशीजन्य करपा उपाययोजना
- बागेत निघालेल्या अनावश्यक कोवळ्या फुटी काढून टाकल्यास रोग नियंत्रणास मदत होते.
- थायोफिनेट मिथाईल (७० डब्ल्यूपी) १ ग्रॅम किंवा कॉपर ऑक्सिक्लोराईड (५० डब्ल्यूपी) २.५ ग्रॅम प्रति लिटर पाणी किंवा कासुगामायसिन (५%) + कॉपर ऑक्सिक्लोराइड (४५% डब्ल्यूपी) (संयुक्त बुरशीनाशक) ३०० ग्रॅम प्रति एकर याप्रमाणे फवारणी केल्यास नियंत्रण सोपे होईल.
- ट्रायकोडर्मा २ ते ५ मिली प्रति लिटर पाणी याप्रमाणे दर १५ दिवसांच्या अंतराने फवारणी करावी.
- ट्रायकोडर्मा २.५ ते ३ लिटर प्रति एकरी याप्रमाणे ठिबकद्वारे ड्रेचिंग केल्यास वेलीमध्ये रोग प्रतिकारशक्ती निर्माण होते.
जिवाणूजन्य करपा उपाययोजना
- या रोगाच्या नियंत्रणाकरिता मॅन्कोझेब (४५ डब्ल्यूपी) २ ते २.५ ग्रॅम प्रति लिटर पाणी किंवा कासुगामायसीन (५%) + कॉपर ऑक्सिक्लोराइड (४५% डब्ल्यूपी) (संयुक्त बुरशीनाशक) ३०० ग्रॅम प्रति एकर याप्रमाणे फवारणी करावी. या रोगाच्या प्रादुर्भावास प्रतिबंध करण्यासाठी स्ट्रेप्टोमायसिनचा वापर करू नये.
- (पावसाचा अंदाज लक्ष्यात घेता स्वच्छ हवामान दरम्यानच सदरील कामे करावीत)
- ग्रामीण कृषी मौसम सेवा आणि विभागीय संशोधन केंद्र, इगतपुरी