डाळिंबातील हस्त बहारात चांगल्या सेटिंगसाठी काय नियोजन करावे, वाचा सविस्तर 

Dalimb Bag :    डाळिंबातील हस्त बहार (सप्टेंबर-ऑक्टोबरमध्ये फुलं येणारा बहार) घेण्यासाठी झाडावर ताण आणणे, छाटणी करणे आणि योग्य खतपाणी व्यवस्थापन करणे महत्त्वाचे आहे. या काळात कसे व्यवस्थापन करावे, हे जाणून घेऊयात... 

डाळिंब हस्त बहार नियोजन  (सप्टेंबर-ऑक्टोबर पीक नियमन)बागेची अवस्था : (ताण सोडणे आणि बहार नियमन)बागेची मशागत

• पाऊस/ पावसाळा संपल्यानंतर, २०-२५ दिवसंपर्यंत पाणी देऊ नये. 
• खतांची मात्रा देताना फळबागेतील पडलेली पाने. 
• काडीकचरा काढून टाकावा अथवा जमिनीत पुरून टाकावा.
• बागेतील झाडांना बसलेल्या ताणाच्या तीव्रतेनुसार इथेफॉनचा वापर करून पानगळ करावी.
• बेमोसमी पाऊस किंवा अन्य कारणांमुळे झाडांना योग्य ताण बसला नसल्यास, इथेफॉनच्या (३९ एसएल) दोन फवारण्या घ्याव्यात. 
• पहिली फवारणी ०.९ मिलि प्रति लिटर पाणी याप्रमाणे व दुसरी इथेफॉनची फवारणी ५ ते ८ दिवसांनी पानांच्या पिवळेपणानुसार १ ते १.५ मिलि प्रति लिटर पाणी याप्रमाणे घ्यावी. 
• प्रत्येक इथेफॉन फवारणीमध्ये १२-६१-० किंवा ०-५२-३४ (५ ग्रॅम प्रति लिटर पाणी) मिसळावे.
• झाडांना योग्य ताण बसला असल्यामुळे पाने पिवळी असताना, इथेफॉन (३९ एसएल) १ मिलि प्रति लिटर पाणी अधिक १२-६१-० किंवा ०-५२-३४ ५ ग्रॅम प्रति लिटर पाणी याप्रमाणे फवारावे.
• जर फांद्यांची घनता जास्त असेल, तर हवा खेळती राहण्यासाठी व सूर्यप्रकाश पोहोचण्यासाठी पेन्सिल आकाराच्या फांद्या शेंड्याकडून १० ते १५ सेंमी. कट करून हलकी छाटणी करावी आणि खोडापासूनचे फुटवे (वॉटर शूट) काढावेत. 

(सोसाट्याचा वारा व पावसाचा अंदाज घेवुनच पिकावर कीटकनाशकाची, बुरशीनाशकाची फवारणी करावी)

- ग्रामीण कृषी मौसम सेवा आणि कृषी संशोधन केंद्र, इगतपुरी