चालू वर्षी तीव्र उन्हाळा असून, चा पाणीटंचाई आहे. त्यामुळे उपलब्ध पाण्याचा पिकांसाठी काटकसरीने काळजीपूवर्क वापर करणे आवश्यक आहे. त्यासाठी खालीलप्रमाणे उपाययोजना कराव्यात.
- उन्हाळी पिकांसाठी ठिबक सिंचनद्वारेपाणी देण्यासाठी प्राधान्य द्यावे, जेणेकरून पाण्याची बचत होईल.
- शेतावरील पालापाचोळा, उसाचे पाचट, काडीकचरा आदींचा फळबागा आच्छादनासाठी वापर करावा. त्यामुळे पाण्याची गरज २० ते ३० टक्क्यांनी कमी होते. तसेच जमिनीमध्ये हवा खेळती राहते व तणाचा प्रादुर्भाव कमी होतो.
- कलमे रोपे, भाजीपाला रोपे तयार करण्यासाठी शेडनेटचा वापर करावा.
- मृद आरोग्य पत्रिका माहितीचा वापर करून शेतकऱ्यांनी उन्हाळी शेती पिकांसाठी सुपिकता निर्देशांकानुसार रासायनिक खतांचा वापर करावा.
- उन्हाच्या तीव्रतेमुळे जमिनीतील ओलावा कमी झाल्यामुळे पिकांच्या वाढीवर विपरीत परिणाम होतो. अशावेळी शक्य तेथे परावर्तकांचा वापर करावा. (उदा. केओलीन, पांढरा रंग)
- पिकांच्या अंतररंगातून मोठ्या प्रमाणात पाण्याचे बाष्पीभवन होते. ते कमी करण्यासाठी खालच्या भागाकडील पाने कमी करावीत, त्यामुळे पिकाचा ताण कमी होण्यास मदत होते.
- शेताच्या बांधावर वारा प्रतिरोधकांचा वापर करावा, जेणेकरून जमिनीतील ओलाव्याचे बाष्पीभवन कमी होण्यास मदत होईल.
- फळझाडांमध्ये मटका सिंचन पद्धत अवलंबता येईल.
- जमिनीची तापमान वाढू नये म्हणून आच्छादन करून घ्यावे.
- शेतकऱ्यांनी पाणी देण्याची वेळ संध्याकाळी ठेवावी किंवा सकाळी लवकरही पाणी देऊ शकता.