Onion Market : राज्यभरात कांद्याची आवक घटली, लासलगावला उन्हाळ कांद्याला काय भाव मिळाला? 

आज राज्यभरातील बाजार समित्यामध्ये उन्हाळ कांद्यापेक्षा लाल कांदा कमी प्रमाणात आवक झाल्याचे दिसून आले.

मागील काही दिवसांपासून कांद्याची आवक घटली असून रोज दोन लाखाहून अधिक होणारी कांदा आवक पावणेदोन लाखांवर आली आहे. आज राज्यभरातील बाजार समित्यांमध्ये कांद्याची आवक 63 हजार क्विंटल कांद्याची आवक झाली. आज देखील उन्हाळ कांद्यापेक्षा लाल कांदा कमी प्रमाणात आल्याचे दिसून आले. तर आज सरासरी कांद्याला 1300 रुपयापर्यंत भाव मिळाला. 

आज 29 मार्च रोजी पणन मंडळाच्या अधिकृत माहितीनुसार पुणे बाजार समितीत सर्वाधिक 21 हजार क्विंटल लोकल कांद्याची आवक झाली. तर पारनेर बाजार समितीत उन्हाळ कांद्याची सर्वाधिक 14 हजार 399 क्विंटल आवक झाली. आज लासलगाव बाजार समितीमध्ये उन्हाळ कांद्याची 4792 क्विंटल आवक झाली. तर विंचूर बाजार समितीत 5800 क्विंटल आवक झाली. या दोन्ही बाजार समित्यांमिळून दहा हजार क्विंटल कांदा लिलावात दाखल झाला होता. 

आज लासलगाव बाजार समिती उन्हाळ कांद्याला सरासरी 1520 रुपये दर मिळाला. पुणे बाजार समितीत आलेल्या लोकल कांद्याला सरासरी 1100 रुपये दर मिळाला. आज दुपारी चार वाजेपर्यंत केवळ १४ बाजार समित्यांमध्ये कांदा आवक झाल्याचे पणन मंडळाच्या अधिकृत माहितीवरून दिसून आले. आज सर्वाधिक 1600 रुपयांचा बाजारभाव हा सर्वसाधारण कांद्याला खेड-चाकण बाजार समितीत मिळाला. तर अकलूज बाजार समितीत केवळ 1000 रुपयांचा दर मिळाला. 

असे आहेत आजचे कांदा बाजारभाव 

 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
29/03/2024
अकलुज	---	क्विंटल	170	300	1800	1000
कोल्हापूर	---	क्विंटल	6933	700	2100	1400
अकोला	---	क्विंटल	530	1000	1600	1300
खेड-चाकण	---	क्विंटल	75	1300	1800	1600
जुन्नर -आळेफाटा	चिंचवड	क्विंटल	9052	1000	1810	1450
भुसावळ	लाल	क्विंटल	21	1000	1500	1400
पुणे	लोकल	क्विंटल	21016	500	1700	1100
पुणे -पिंपरी	लोकल	क्विंटल	10	1000	1600	1400
पुणे-मोशी	लोकल	क्विंटल	514	700	1500	1100
वाई	लोकल	क्विंटल	20	700	1500	1100
मंगळवेढा	लोकल	क्विंटल	50	140	1550	1300
लासलगाव	उन्हाळी	क्विंटल	4792	700	1611	1520
लासलगाव - विंचूर	उन्हाळी	क्विंटल	5800	900	1600	1500
पारनेर	उन्हाळी	क्विंटल	14399	400	1800	1300