रूढी परंपरेच्या फेऱ्यात कोहळाची चलती; राज्याच्या विविध बाजारात कोहळा खातो भाव

'आवळा देऊन कोहळा काढला', अशी म्हण प्रचलित असली तरी हा कोहळा अमावास्या येताच बाजारात चांगलाच भाव खातो. घरात आणि व्यवसायात मुख्य दरवाजावर कोहळा बांधल्यास येणाऱ्या वाईट शक्ती व नजरदोषांपासून संरक्षण होते, अशी धारणा पिढ्यानपिढ्या चालत आली आहे.

त्यामुळे शनिवार, अमावास्या किंवा पौर्णिमा येताच बाजारात कोहळे विक्रीसाठी येतात अन् भाव खाऊन जातात.

कोहळा मुख्य दरवाजावर, लाल वस्त्रात गुंडाळून आणि तीन गाठी मारून शनिवारी, अमावास्येला किंवा पौर्णिमेला सूर्यास्तानंतर बांधला जातो. घरात आणि व्यवसायाच्या ठिकाणी नकारात्मक ऊर्जा आणि वाईट शक्तींपासून संरक्षण करतो, असे मानले जाते.

२० ऑक्टोबरपासून २१ ऑक्टोबरपर्यंत दिवाळी अमावास्या कालावधी असल्याने सोमवारी बीड येथील बाजारात कोहळ्यांची मोठी आवक झाली. आकारानुसार, १०० ते १५० रुपयांना कोहळे विकले जात होते. ग्राहकही ते खरेदी करत होते.

राज्याच्या विविध बाजारातील कोहळा आवक व दर  

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
20/10/2025
पुणे	लोकल	क्विंटल	269	1500	4000	2750
नागपूर	लोकल	क्विंटल	140	1500	2000	1875
कामठी	लोकल	क्विंटल	1	1510	2010	1760
हिंगणा	लोकल	क्विंटल	2	2000	2500	2166
19/10/2025
रामटेक	---	क्विंटल	1	800	1000	900
पुणे	लोकल	क्विंटल	438	800	3500	2150
नागपूर	लोकल	क्विंटल	120	1000	2000	1875
कामठी	लोकल	क्विंटल	3	1520	2020	1770

हेही वाचा : एमपीएससी सोडून तरुणाने धरली शेतीची वाट; दोन एकर अद्रक शेतीतून कमावले १५ लाख