छत्रपती संभाजीनगर : ऊसतोड कामगारांच्या आरोग्य सुरक्षेला प्राधान्य देत छत्रपती संभाजीनगर जिल्ह्यात जिल्हा परिषद आरोग्य विभागाने व्यापक आरोग्य तपासणी मोहीम सुरु केली आहे.(Sugarcane Workers Health)
न्यायालयाच्या निर्देशानुसार ऊसतोड कामगार आणि त्यांच्या कुटुंबीयांच्या आरोग्य सुरक्षेला प्राधान्य देत जिल्हा परिषद आरोग्य विभागाने सर्वंकष आरोग्य तपासणी मोहीम हाती घेतली आहे. (Sugarcane Workers Health)
माता–बाल आरोग्य, पोषण, संसर्गजन्य आजार व लसीकरणावर विशेष भर देत ऊसतोड कामगार यांना या मोहिमेत सामावून घेण्यात येणार आहे. (Sugarcane Workers Health)
या मोहिमेत वर्षातून किमान दोन वेळा प्रत्येक कामगार व त्यांच्या कुटुंबीयांची संपूर्ण आरोग्य तपासणी करण्यात येणार आहे. सध्या जिल्ह्यात एकूण १५ हजार ६२९ ऊसतोड कामगार विविध साखर कारखान्यांच्या हद्दीत कामासाठी गेले असून त्यांच्यासाठी विशेष आरोग्य शिबिरांचे आयोजन केले जात आहे.(Sugarcane Workers Health)
जिल्हा आरोग्य अधिकारी डॉ. अभय धानोरकर आणि जिल्हा शल्यचिकित्सक डॉ. कमलाकर मुदखेडकर यांनी ऊसतोड कामगारांनी जवळच्या शासकीय आरोग्य संस्थेत जाऊन तपासणी अनिवार्यपणे करून घ्यावी, असे आवाहन केले आहे.(Sugarcane Workers Health)
आरोग्य तपासणीमध्ये माता आरोग्य, बाल आरोग्य, पोषण, संसर्गजन्य आजार, प्रसूतीपूर्व व पश्चात तपासणी, तसेच नियमित लसीकरण या सर्व सेवा उपलब्ध करून देण्यात आल्या आहेत.(Sugarcane Workers Health)
विविध कारखाना क्षेत्रांतील तपासणी वेळापत्रक
जिल्ह्यातील अनेक साखर कारखान्यांच्या परिसरात नियोजित दिवशी आरोग्य शिबिरांचे आयोजन करण्यात येणार आहे :
बारामती ॲग्रो साखर कारखाना परिसर – दर गुरुवारी मकरणपूर उपकेंद्र आणि चापानेर प्राथमिक आरोग्य केंद्रावर तपासणी
राजे छत्रपती संभाजी कारखाना – दर शनिवारी टाकळी माळी उपकेंद्र व पिंपरी राजा प्रा. आरोग्य केंद्र
संत एकनाथ सरकारी साखर कारखाना – पिंपळवाडी उपकेंद्र व पिंपळवाडी आरोग्य केंद्र
रेणुका देवी सरकारी साखर कारखाना – केकत जळगाव उपकेंद्र व विहामांडवा आरोग्य केंद्र
गुळमेश्वर साखर कारखाना – नवगाव उपकेंद्र व विहामांडवा आरोग्य केंद्र
शिवाजी साखर कारखाना – नांदर आरोग्य केंद्र
धामोरी साखर कारखाना – दहेगाव उपकेंद्र आणि शेंदूरवाडा आरोग्य केंद्र
रघुनाथ साखर कारखाना – जामगाव उपकेंद्र व भेंडाळा आरोग्य केंद्र
पंचगंगा साखर कारखाना – महालगाव उपकेंद्र व गाढे पिंपळगाव आरोग्य केंद्र
कोणत्या तपासण्या केल्या जाणार?
या मोहिमेत कामगार व त्यांच्या कुटुंबीयांची खालील तपासण्या केल्या जाणार आहेत
रक्तक्षय (ॲनिमिया) तपासणी
रक्तदाब व मधुमेह तपासणी
सर्दी, खोकला, त्वचारोग, कुष्ठरोग, क्षयरोग ओळख तपासणी
नेत्र तपासणी, दंत तपासणी
गर्भवती महिलांची पूर्ण प्रसूतीपूर्व तपासणी, आवश्यक लसीकरण
बालकांची नियमित तपासणी, कुपोषण तपासणी व उपचार
या उपक्रमामुळे स्थलांतरित ऊसतोड कामगारांचे आरोग्य संरक्षण होऊन त्यांना वेळेवर उपचार मिळण्यास मोठी मदत होणार आहे. न्यायालयीन आदेशानुसार जिल्हा प्रशासनाची ही तातडीची आणि संवेदनशील पावले सामाजिक दृष्टीने महत्त्वाची ठरत आहेत.
Web Summary : Chhatrapati Sambhajinagar initiates a health check-up campaign for sugarcane workers and their families. The initiative includes comprehensive health screenings, vaccinations, and specialized camps at sugar factories. Workers are urged to utilize these services for timely healthcare.
Web Summary : छत्रपति संभाजीनगर ने गन्ना श्रमिकों और उनके परिवारों के लिए स्वास्थ्य जाँच अभियान शुरू किया। इस पहल में व्यापक स्वास्थ्य जाँच, टीकाकरण और चीनी कारखानों में विशेष शिविर शामिल हैं। श्रमिकों से समय पर स्वास्थ्य सेवा के लिए इन सेवाओं का उपयोग करने का आग्रह किया गया है।