दादरमध्ये आज काँग्रेसचा फेरीवाला सन्मान मार्च!

मुंबई : एल्फिन्स्टन दुर्घटनेनंतर फेरीवाल्यांवर सुरू असलेली कारवाई आणि महाराष्ट्र नवनिर्माण सेनेच्या कार्यकर्त्यांकडून होणा-या मारहाणीविरोधात मुंबई काँग्रेसने बुधवारी फेरीवाला सन्मान मार्चची हाक दिली आहे. मनसेचा बालेकिल्ला असलेल्या दादरमध्ये कायदा व सुव्यवस्थेचा प्रश्न निर्माण होऊ शकत असल्याचे कारण देत पोलिसांनी फेरीवाला सन्मान मार्च काढण्यास परवानगी नाकारली आहे. मात्र कोणत्याही घोषणांविना दादरमधील काँग्रेस कार्यकर्ते व फेरीवाले सकाळी १० वाजता सन्मान मार्च काढणार असल्याची माहिती मुंबई काँग्रेसचे सरचिटणीस नितीन पाटील यांनी दिली. आयडियल बूक डेपोपासून सुरू होणारा मार्च कबुतरखान्याजवळ संपेल.