महिना ८९ हजार कमावणाऱ्यांना मुंबईत घर घ्यायला लागणार १०९ वर्षे!

1 / 7

महाराष्ट्राच्या शहरी भागात राहणाऱ्या श्रीमंत कुटुंबांना मुंबई घर घेण्यासाठी १०९ वर्षांचा कालावधी लागणार आहे. म्हणजेच मुंबईत घर खरेदी करण्यासाठी, सध्याच्या घडीला महिना ८९ हजारांपेक्षा जास्त कमावणाऱ्यांना ५ टक्के श्रीमंतांना १०९ वर्षे पैसे वाचवावे लागतील.

2 / 7

तर हरियाणा आणि ओडिशा या राज्यांतील ५ टक्के श्रीमंतांना त्यांच्या मोठ्या शहरांत घरे घेण्यासाठी ५० वर्षे लागतील. चंदीगड हे शहर सर्वाधिक किफायतशीर शहर ठरले आहे.

3 / 7

टाईम्स ऑफ इंडियाच्या वृत्तानुसार, वेगवेगळ्या राज्यांची आणि राज्यातील सर्वात मोठ्या शहरात घर खरेदी करण्यासाठी किती बचत आवश्यक आहे याची तुलना करण्यात आली आहे. ज्यामध्ये मुंबई, गुडगाव, बेंगळुरू, दिल्ली आणि चंदीगड यांचा समावेश होता.

4 / 7

विश्लेषणानुसार, सरासरी वार्षिक उत्पन्न १०.७ लाख असलेल्या ५ टक्के कमाई करणाऱ्यांना भारताच्या आर्थिक राजधानीत ११० चौरस मीटरचे (१,१८४ चौरस फूट) घर खरेदी करण्यासाठी १०९ वर्षे बचत करावी लागेल.

5 / 7

मार्च २०२५ पर्यंत मुंबईसाठी सरासरी प्रति चौरस फूट दर ₹ २९,९११ होता, तर १,१८४ चौरस फूट घराची किंमत सुमारे ₹ ३.५४ कोटी होती. राज्यातील ५ टक्के श्रीमंत कुटुंब दरवर्षी अंदाजे ३.२ लाख बचत करत असल्यास त्यांना मुंबईत घर खरेदीसाठी १०९ वर्षे वाट पाहावी लागेल.

6 / 7

मुंबई आणि दिल्लीसह भारतातील प्रमुख सात शहरांमध्ये सरासरी मालमत्तेच्या किमतींमध्ये २३% वाढ दिसून आली आहे. एप्रिल ते सप्टेंबर २०२४ या कालावधीत, सरासरी घरांची किंमत ₹ १.२३ कोटींवर पोहोचली होती.

7 / 7

गुडगावमध्ये समान उत्पन्न गटासाठी घर घेण्यासाठी ६४ वर्षांचा बचतीचा वेळ लागू शकतो. बंगळुरू आणि दिल्लीची स्थिती थोडीशी चांगली आहे, त्यांना अनुक्रमे ३६ आणि ३५ वर्षांची बचत आवश्यक आहे. चंदीगड हे राज्यांच्या राजधानींमध्ये सर्वात परवडणारे शहर आहे, जिथे उच्च उत्पन्न असलेले कुटुंब १५ वर्षांची बचत केल्यानंतर घर खरेदी करू शकतात.