Mumbai Local: मध्य रेल्वेची कमाल, १६४ कोटी प्रवाशांचा प्रवास; ८.१६ लाख ट्रेन, १ वर्षांत किती सेवा वाढल्या?

1 / 15

Central Railway Set New Record: मध्य रेल्वेने आर्थिक वर्ष २०२५-२६ दरम्यान प्रवासी वाहतुकीमध्ये लक्षणीय प्रगती साधली असून, उपनगरीय आणि उपनगरीयेतर अशा दोन्ही विभागांमध्ये सातत्यपूर्ण वाढ नोंदवली आहे. याव्यतिरिक्त, मध्य रेल्वेने आर्थिक वर्ष २०२५-२६ मध्ये नवीन ट्रेन (मेल/एक्स्प्रेस आणि उपनगरीय अशा दोन्ही प्रकारच्या) सुरू केल्या आहेत. सणासुदीच्या काळात विशेष सेवा चालवल्या असून, नवीन स्थानके व अतिरिक्त थांबेही सुरू केले आहेत.

2 / 15

मध्य रेल्वेने आर्थिक वर्ष २०२५-२६ दरम्यान, कोणत्याही गंभीर स्वरूपाच्या अपघाताविना अंदाजे ८.३३ लाख रेल्वे सेवा चालवल्या आहेत. यामध्ये ६.२८ लाख उपनगरीय रेल्वे सेवा (मुंबई आणि पुणे) आणि २.०५ लाख मेल/एक्स्प्रेस व प्रवासी रेल्वे सेवांचा (सर्व विभाग) समावेश आहे.

3 / 15

मध्य रेल्वेत आर्थिक वर्ष २०२५-२६ दरम्यान ८.१६ लाख गाड्यांमधून एकूण १६४.३० कोटी प्रवाशांनी प्रवास केला आहे. ही संख्या गेल्या वर्षी वाहतूक केलेल्या १६१.३३ कोटी प्रवाशांच्या तुलनेत १.८४% ची वाढ दर्शवते. आर्थिक वर्ष २०२५-२६ मध्ये ६.११ लाख उपनगरीय रेल्वे सेवांमधून १४३.५८ कोटी प्रवाशांची वाहतूक करण्यात आली; ही संख्या गेल्या वर्षीच्या १४१.९८ कोटी प्रवाशांच्या तुलनेत १.१२% ची वाढ दर्शवते.

4 / 15

आर्थिक वर्ष २०२५-२६ मध्ये २.०५ लाख मेल/एक्स्प्रेस/पॅसेंजर आणि इतर उपनगरीयेतर गाड्यांमधून २०.७१ कोटी प्रवाशांनी प्रवास केला आहे; ही संख्या गेल्या वर्षीच्या १९.३४ कोटी प्रवाशांच्या तुलनेत ७.०८% ची वाढ दर्शवते. प्रवाशांच्या सोयीसाठी मध्य रेल्वेवरील ३३ गाड्यांना ७६ अतिरिक्त थांबे उपलब्ध करून देण्यात आले आहेत.

5 / 15

मध्य रेल्वेने आर्थिक वर्ष २०२५-२६ दरम्यान विविध मार्गांवर ७ नवीन गाड्या सुरू केल्या आहेत. ट्रेन क्रमांक 26101/26102 पुणे - अजनी - पुणे वंदे भारत एक्सप्रेस (दिनांक ११.०८.२०२५ पासून), ज्यामुळे मध्य रेल्वेवरील एकूण वंदे भारत गाड्यांची संख्या ११ झाली आहे.

6 / 15

अमृत भारत गाड्या, त्या म्हणजे ट्रेन क्रमांक 11015/11016 लोकमान्य टिळक टर्मिनस- सहरसा- लोकमान्य टिळक टर्मिनस अमृत भारत एक्सप्रेस (दिनांक ०२.०५.२०२५ पासून) आणि ट्रेन क्रमांक 11031/11032 पनवेल- अलीपूरद्वार - पनवेल अमृत भारत एक्सप्रेस (दिनांक २३.०२.२०२६ पासून).

7 / 15

याव्यतिरिक्त, आर्थिक वर्ष २०२५-२६ मध्ये ट्रेन क्रमांक 20495/20496 हडपसर- जोधपूर- हडपसर एक्सप्रेस, ट्रेन क्रमांक 20151/20152 हडपसर- रिवा- हडपसर एक्सप्रेस, ट्रेन क्रमांक 15590/15589 हडपसर- मुजफ्फरपूर- हडपसर एक्सप्रेस आणि ट्रेन क्रमांक 17426/17425 साईनगर शिर्डी - तिरुपती- साईनगर शिर्डी एक्सप्रेस या गाड्या सुरू करण्यात आल्या.

8 / 15

मध्य रेल्वेने उरण मार्गावर १० नवीन उपनगरीय सेवा सुरू केल्या आहेत; यामुळे या विभागातील एकूण सेवांची संख्या ५० झाली असून, मध्य रेल्वेवरील एकूण उपनगरीय सेवांची संख्या १८२० वर पोहोचली आहे.

9 / 15

छत्रपती शिवाजी महाराज टर्मिनस- कल्याण मुख्य मार्गावरील १४ सेवा आणि छत्रपती शिवाजी महाराज टर्मिनस- पनवेल हार्बर मार्गावरील १४ सेवांचे बिगर वातानुकूलित वरून वातानुकूलित लोकल सेवांमध्ये रूपांतर करण्यात आले; यामुळे मध्य रेल्वेवरील एकूण वातानुकूलित सेवांची संख्या ९४ झाली आहे.

10 / 15

मध्य रेल्वेने, आपल्या नियमित वेळापत्रकानुसार धावणाऱ्या गाड्यांव्यतिरिक्त, सणासुदीच्या काळात प्रवाशांची वाढती गर्दी लक्षात घेऊन एकूण १२,०३२ विशेष सेवा चालवल्या.

11 / 15

कोकणात जाणाऱ्या ३२६ गणपती विशेष गाड्या, १,७१२ दुर्गा पूजा/दिवाळी/छठ पूजा विशेष गाड्या, १,३५८ उन्हाळी विशेष गाड्या, १,०३८ होळी विशेष गाड्या, १२२ आषाढी एकादशी विशेष गाड्या आणि १०९ हिवाळी विशेष गाड्या.

12 / 15

एप्रिल २०२५ ते मार्च २०२६ या कालावधीत प्रवाशांची अतिरिक्त गर्दी हाताळण्यासाठी, मध्य रेल्वेच्या २३ गाड्यांना अतिरिक्त 'सामान्य द्वितीय श्रेणी' डब्बे जोडण्यात आले. मध्य रेल्वेने आयआरसीटीसीच्या सहकार्याने रेल्वे मंत्रालयाच्या भारत गौरव तीर्थ यात्रा प्रकल्पाचा एक भाग म्हणून १८ भारत गौरव ट्रेन्स आणि ७ मुख्यमंत्री तीर्थ दर्शन योजना गाड्यांसह १८ पर्यटक गाड्या चालवल्या.

13 / 15

मध्य रेल्वेवर ७ नवीन स्थानके सुरू करण्यात आली आहेत. मुंबईच्या उपनगरीय विभागात २ स्थानके – गव्हाण आणि तारघर; आणि अमळनेर-बीड मार्गावर ५ स्थानके – जाटनांदूर, विघनवाडी, रायमोहा, राजुरी आणि बीड.

14 / 15

आर्थिक वर्ष २०२५-२६ दरम्यान, १२ स्थानकांचा पुनर्विकास करण्यात आला असून, ७७ जोड्यांच्या रेल्वेगाड्यांचा वेग ११० किमी प्रति तास वरून १३० किमी प्रति तास पर्यंत वाढवण्यात आला आहे.

15 / 15

मध्य रेल्वे आपल्या सर्व प्रवाशांना सुरक्षित, आरामदायी, किफायतशीर, विश्वसनीय आणि कार्यक्षम वाहतूक सेवा पुरवण्यास कटिबद्ध असून, प्रवाशांच्या वाढत्या अपेक्षा पूर्ण करण्यासाठी ती आपल्या सेवा अधिक बळकट करण्याचे कार्य अविरतपणे सुरू ठेवत आहे.