1 / 11धर्मवीर मुक्काम पोस्ट ठाणे हा मराठी सिनेमा आज प्रदर्शित झाला असून या सिनेमाचा खास शो सकाळी ठाण्यातील व्हिवियाना मॉल येथील सिनेपोलिस मल्टिप्लेक्समध्ये पार पडला. 2 / 11यासमयी उपस्थित असलेल्या सर्व पाहुण्यांचे ढोल आणि लेझीम पथकाच्या तालास्वरात, मोठ्या जल्लोषात स्वागत करण्यात आले. त्यानंतर धर्मवीर आनंद दिघे यांच्या कटआउट समोर विधिवत पूजा करित दुग्धाभिषेक करण्यात आला. 3 / 11हा सिनेमा आजच्या तरुणाईला धर्मवीर आनंद दिघे साहेबांची खरी ओळख करून देणार असून जास्तीत जास्त लोकांनी तो पहावा, असे आवाहन शिंदे यांनी यासमयी बोलताना केले. 4 / 11याप्रसंगी खासदार राजन विचारे, खासदार डॉ.श्रीकांत शिंदे, आमदार रवींद्र फाटक, ठाण्याचे माजी महापौर नरेश म्हस्के, माजी नगरसेवक राम रेपाळे, ठाणे शहर महिला आघाडी प्रमुख मीनाक्षी शिंदे हजर होते. 5 / 11या सिनेमात आनंद दिघेंची भूमिका साकारणारे अभिनेते प्रसाद ओक, निर्माते मंगेश देसाई, झी स्टुडिओजचे मंगेश कुलकर्णी, अश्विन पाटील यांनीही विधिवत पुजेत सहभाग घेतला. 6 / 11आनंद दिघेंच्या कटाऊटला दुग्धाभिषेक करुन विधीवत पूजा करण्यात आली. पुष्पहार घालून नमनही केले. 7 / 11कटआऊटची विधिवत पूजा झाल्यानंतर प्रेक्षकांसह मंत्री एकनाथ शिंदे आणि दिग्गजांनी सिनेमाचा विशेष शो पाहिला.8 / 11आजचा दिवस आमच्या साठी मोठा दिवस आहे. धर्मवीर आनंद दिघे यांनी अनेक वर्षे समाजसेववचे काम केले. अन्यायाविरुद्ध न्याय मिळून दिला. त्यांची आठवण होणार नाही असा एकही क्षण आलेला नाही. 9 / 11आनंद दिघेंचे कार्य आणि न्यायप्रणाली, त्यांचा जीवनपट या चित्रपटामधून होत आहे. त्यांचे कार्य पोहचवण्याचे काम याठिकाणी होत आहे. मुख्य भूमिका प्रसाद ओक यांची आहे. निर्माते मंगेश देसाई,प्रवीण तरडे व इतर सर्वांचे मोठे काम आहे, असे एकनाथ शिंदेंनी म्हटलं. 10 / 11बाळासाहेब आणि दिघे साहेब यांच्याकडून प्रेरीत होऊनच आम्ही इथे आहोत. युवकांना आणि तरुणांना हा चित्रपट प्रेरणादायी ठरेल, सर्वांनी हा चित्रपट पाहावा, असे आवाहनही एकनाथ शिंदेंनी केले. 11 / 11या चित्रपटातील रंगभूषा अफलातून असून त्यासाठी खूप महिनत घेतली गेली आहे. क्षितिज दाते यांनी एकनाथ शिंदे यांची भूमिका साकारली आहे.