मुंबईत भाजीपाल्याचे दर वाढले, आवक झाली कमी; फरसबी, शेवगा, दोडका, घेवडा शंभरीच्या पुढे

By ऑनलाइन लोकमत | Published: June 18, 2021 11:08 AM2021-06-18T11:08:59+5:302021-06-18T11:09:23+5:30

मुंबई कृषी उत्पन्न बाजार समितीमध्ये मागील आठवड्यापासून आवक कमी होत आहे. प्रतिदिन ४०० ते ४५० वाहनांची आवक होत आहे.

Vegetable prices go up in Mumbai | मुंबईत भाजीपाल्याचे दर वाढले, आवक झाली कमी; फरसबी, शेवगा, दोडका, घेवडा शंभरीच्या पुढे

मुंबईत भाजीपाल्याचे दर वाढले, आवक झाली कमी; फरसबी, शेवगा, दोडका, घेवडा शंभरीच्या पुढे

Next

लोकमत न्यूज नेटवर्क
नवी मुंबई : राज्यभर सुरू असलेल्या पावसामुळे मुंबईत भाजीपाल्याची आवक कमी झाली असून, बाजारभाव वाढले आहेत. किरकाळ मार्केटमध्ये फरसबी १२० ते १४० रुपये किलो दराने विकली जात असून, शेवगा, दोडका, घेवड्याचे दरही शंभरीच्या पुढे गेले आहेत. 

  मुंबई कृषी उत्पन्न बाजार समितीमध्ये मागील आठवड्यापासून आवक कमी होत आहे. प्रतिदिन ४०० ते ४५० वाहनांची आवक होत आहे. यामुळे बाजारभाव वाढू लागले आहेत. गत आठवड्यात होलसेल मार्केटमध्ये ३५ ते ५५ रुपये दराने विकला जाणारा आवळा ५० ते ५५ रुपये किलोवर गेला असून, किरकोळ मार्केटमध्ये ७० ते ८० रुपये किलो दराने विकला जात आहे. फरसबीचे दर ८० ते १०० वरून १०० ते १२० वर पोहचले आहेत.

मुंबईत पुणे, सातारा, दक्षिणेकडील राज्य, नाशिक व इतर ठिकाणावरून भाजीपाल्याची आवक सुरू आहे. मागणीच्या तुलनेत आवक कमी असल्यामुळे दर वाढले आहेत. 

होलसेल व किरकोळ मार्केटमधील भाजीपाल्याचे दर
वस्तू     १० जून (एपीएमसी)     १७ जून (एपीएमसी)    १७ जून (किरकोळ)
भेंडी      १५ ते ४०     २२ ते ५०     ५० ते ६०
फरसबी      ८० ते १००     १०० ते १२०     १२० ते १४०
फ्लॉवर      १४ ते १६     १४ ते २२     ५० ते ६०
घेवडा      ३५ ते ४०     ४५ ते ५५     १०० ते १२०
शेवगा शेंग    ४० ते ५०     ६० ते ७०     ८० ते १००
दोडका      ३६ ते ४०     ५० ते ६०     १००
वांगी      २४ ते ३०     ३० ते ५०     ७० ते ८०

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Vegetable prices go up in Mumbai

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app