मुंबई : ६०० रुपयांच्या वादातून केलेल्या अॅसिडहल्ल्यात ७ जण होरपळले. ही धक्कादायक घटना मालाडमधील कुरार गावात बुधवारी सायंकाळी घडली. या प्रकरणी कुरार पोलिसांनी समरबहाद्दर सिंग (३८) याच्यासह हेमंत राठोड (२०), नितीन धोबी (२४) यांना अटक केली आहे.
कुरार गावातील रहिवासी समरबहाद्दर सिंग याचे दागिने पॉलिश करण्याचे दुकान असून, शेजारीच मयूर कानोजिया (२०) याचे दागिने बनविण्याची युनिट आहे. दोघांमध्ये नेहमी व्यावसायिक व्यवहार होत असत. एका व्यवहारात कानोजियाने चुकून २६ हजार ४०० रुपयांऐवजी २७ हजार रुपये सिंगला दिले. त्याने जास्त दिलेले ६०० रुपये सिंगकडे परत मागितले. कानोजियांच्या वडिलांनी सिंगच्या दुकानात जाऊनही उर्वरित रकमेची मागणी केली; परंतु, सिंगने पैसे देण्यास नकार दिला. यामुळे संतापलेला कानोजिया त्याच्या ७ ते ८ मित्र-नातेवाइकांसह सिंगच्या दुकानात आला. त्यांच्यात पैशांवरून वाद झाला आणि त्याचे रूपांतर हाणामारीत झाले. त्यावेळी सिंगने पाण्यात मिसळलेले पॉलिशिंगसाठी वापरले जाणारे अॅसिड त्या गटावर फेकले.
सर्व जखमींना कांदिवली पश्चिम येथील शताब्दी रुग्णालयात दाखल करण्यात आले. त्यापैकी दोघांना डिस्चार्ज देण्यात आला असून, पाच जणांना ऑब्झर्वेशनसाठी ठेवल्याची माहिती कुरार पोलिस ठाण्याचे वरिष्ठ पोलिस निरीक्षक उमेश पाटील यांनी दिली.
Web Summary : A dispute over ₹600 led to an acid attack in Malad, Mumbai, injuring seven. Police arrested three individuals, including the alleged attacker, after the incident at a polishing shop escalated from a monetary argument to a physical altercation. The injured are hospitalized.
Web Summary : मुंबई के मलाड में ₹600 के विवाद में एसिड हमले से सात लोग घायल हो गए। पुलिस ने कथित हमलावर सहित तीन लोगों को गिरफ्तार किया। पैसे को लेकर बहस एक मारपीट में बदल गई जिसके बाद यह घटना हुई। घायल अस्पताल में भर्ती हैं।