शिकारीच्या शोधात कोल्हे घुसले मानवी वस्तीत

शिकारीच्या शोधात मानवी वस्तीत २ कोल्हे आले आणि तेच भटक्या कुत्र्यांची शिकार बनले.

मुंबई - शिकारीच्या शोधात मानवी वस्तीत २ कोल्हे आले आणि तेच भटक्या कुत्र्यांची शिकार बनले. मुंबईच्या अंधेरी लोखंडवाडवाला भागातील कांदळवनात २ दिवसांपूर्वी मध्य रात्रीच्या वेळेस अचानक १०-१२ कुत्रे दोन प्राण्यावर हल्ला करत होते. हे प्राणी कोल्हे असल्याचे समोर आले. खरंतर कोल्हा एकटाच ३-४ कुत्र्यांचा फडशा पाडतो, पण जंगलात खाद्यच न उरल्याने आधीच अशक्त असलेले कोल्हे शिकारीच्या शोधात शहरी भागात आले आणि ते स्वत:च शिकार झाले. दरम्यान, दोन वन्यजीवांवर कुत्र्यांनी हल्ला केला हे पाहून स्थानिकांनी त्या कोल्ह्यांची कुत्र्यांच्या तावडीतून सुटका केली आणि ठाणे वनपरीक्षेत्र अधिकारी एस एस कंक यांना फोन करुन कोल्ह्यांबाबत माहिती दिली.